Antonio Ameijide explica que esta proposta “é o revulsivo perfecto” para recuperar a solidariedade entre todos os municipios: “de non aceptar esta iniciativa, tanto PSOE como BNG demostrarán que seguen os mesmos criterios dos independentistas cataláns, repartindo fondos para unha parte da provincia e discriminando ao resto de lucenses”
Lugp, 16 de setembro de 2024. Os deputados do Grupo Provincial Popular ofreceron esta mañá unha rolda de prensa para anunciar que no pleno da próxima semana se defenderá unha iniciativa para esixir ao goberno provincial que destine os máis de 21M€ (21.756.212,86€) procedentes da liquidación definitiva da participación das entidades locais nos tributos do Estado do ano 2022 -dos cales se ingresaron nas contas de Deputación de Lugo nas últimas datas preto de 20M€ (19.634.185,52€)- á mellora e ao mantemento da rede viaria provincial e ao incremento dos fondos destinados ao Plan Deputación a través dunha liña adicional de cooperación cos Concellos.
O voceiro provincial popular, Antonio Ameijide, ve neses máis de 21M€ ingresados neste ano “o revulsivo perfecto para recuperar a xustiza e a solidariedade entre todos os municipios. Agardamos que o presidente da Deputación os reparta con criterios igualitarios, algo que non fixo cos máis de 100 millóns de euros do orzamento provincial”, criticou.
A proposta que defenderán os deputados populares consistirá en que a metade deses fondos se destinen ao mantemento e mellora da rede de estradas provincial da Deputación de Lugo de forma que se duplique a partida 45.30 para estradas do orzamento para o 2024. Ameijide lembrou que “as vías provinciais están intransitables, froito da falta de mantemento, e dificultan a conexión e comunicación entre municipios, ademais de facer perigosos os desprazamentos a lucenses e turistas”.
A outra metade, segundo defenden os populares, debería destinarse a incrementar nun 50% os fondos do Plan Deputación -dotado neste 2024 con 21,75 M€- a través dunha liña adicional dirixida aos Concellos “porque, dos Plans que se aplican a día de hoxe, é o medio máis igualitario para o reparto de fondos entre os municipios da provincia”. Ameijide subliña que “o goberno de PSOE e BNG prefiren repartir os fondos a dedo entre os amiguetes de José Tomé” lembrando os 15M€ dirixidos no 2023 a través de convenios ou os 3,3M€ no primeiro semestre do 2024 a Concellos gobernados na práctica totalidade por PSOE e BNG.
Os populares inciden en que a asistencia e cooperación xurídica, económica e técnica aos municipios é unha competencia propia das Deputacións provinciais atendendo ao artigo 36. b) da Ley 7/1985, de 2 de abril, Reguladora de las Bases del Régimen Local. E tamén entra dentro das súas responsabilidades principais xestionar e conservar os bens da súa titularidade como é o caso da rede viaria provincial, “a máis extensa de España que foi construída por un goberno do Partido Popular e que PSOE e BNG non son capaces de manter en bo estado para favorecer a comunicación dos lucenses e o desenvolvemento da provincia”.
Dende o Grupo Provincial Popular agardan que o goberno provincial “escoite, valore e acepte esta proposta en positivo que unicamente busca mellorar a provincia e avanzar na igualdade entre municipios. No caso de que non a acepten será a confirmación de que José Tomé se transformou nunha especie de independentista catalán; xa que só quere fondos para unha parte da provincia e para o resto non. Agardamos que a insolidariedade dos independentistas cataláns non se instalase tamén dentro do socialismo e nacionalismo lucense”, finalizaron.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
