O marco territorial do convenio está constituído pola área sanitaria de Lugo, A Mariña e Monforte de Lemos e as áreas sanitarias con cabeceira en Jarrio e Cangas de Narcea, en Asturias
Compostela, 30 de setembro, 2024. As comunidades autónomas de Galicia e do Principado de Asturias colaborarán na prestación de asistencia sanitaria en determinadas zonas limítrofes de ambas as comunidades a través do convenio aprobado hoxe polo Consello da Xunta. Mediante este acordo, autorízase a remisión dos pacientes beneficiados, protocolos e asistencia sanitaria, así como o acceso ás historias clínicas ao Servizo Galego de Saúde.
O marco territorial de colaboración compóñeno a área sanitaria de Lugo, A Mariña e Monforte de Lemos e as áreas sanitarias asturianas con cabeceira en Jarrio e Cangas do Narcea. Deste xeito, o ámbito de actuación inicial beneficia á veciñanza da parroquia asturiana dos Coutos, con arredor de 50 habitantes.
No caso da atención primaria, inclúese a atención sanitaria programada, así como a demanda no centro de saúde asignado, e a atención continuada.
A poboación de referencia será derivada ao centro de saúde e á zona especial de urxencias de Navia de Suarna (Lugo), situada a 26 minutos en coche fronte aos 45 minutos do seu centro de referencia, en San Antolín de Ibias (Asturias).
O centro de saúde de Navia de Suarna conta no seu cadro de persoal cunha médica, unha enfermeira e persoal administrativo. O número de tarxetas sanitarias que atenden é de 872, das que 837 son adultos, mellorando notablemente as recomendacións das sociedades científicas que sinalan que os cupos non superen as 1.500 tarxetas.
A atención hospitalaria será prestada polo Servizo Galego de Saúde a través do Hospital Universitario Lucus Augusti (HULA) e incluirá a asistencia sanitaria urxente, consultas externas, hospital de día ou internamento cando sexa necesario. Neste caso, o tempo de viaxe verase reducido de 1 hora e 45 minutos a preto de 1 hora.
Transporte de pacientes
Con carácter xeral, todos os traslados interhospitalarios e o traslado dos pacientes derivados para ser atendidos na comunidade limítrofe correrán a cargo do Servizo Galego de Saúde, establecéndose mecanismos de colaboración entre as centrais coordinadoras de urxencias e emerxencias. Nos casos de urxencia vital ou tempo dependente, os servizos de emerxencias de ambos os servizos de saúde poderán solicitar a mobilización dos medios dispoñibles para unha correcta cobertura da situación.
En canto ás prestacións sanitarias facilitadas polo convenio, os gastos serán compensados polo Fondo de Cohesión Sanitaria ou o Fondo de Garantía Asistencial (Foga). Ademais, o Servizo de Saúde do Principado de Asturias (Sespa) comprométese a compensar o Servizo Galego de Saúde polos gastos incorridos por mor do desprazamento dos seus profesionais sanitarios ou por necesidades de reforzo de persoal no ámbito territorial de colaboración.
Galicia atende pacientes de León e Portugal
As zonas limítrofes constitúen un caso particular na organización dos servizos sanitarios, onde debe primar a funcionalidade sobre a dependencia orgánica para o beneficio da cidadanía. Nesta liña, o Goberno galego quere evidenciar a importancia da colaboración entre comunidades nos ámbitos de xestión e prestación de servizos sanitarios, permitindo a flexibilización dos seus sistemas e a mellora da atención sanitaria.
Así, a Xunta mantén un convenio similar con Castela e León polo que o Sergas atende no distrito de Valdeorras a pacientes de municipios pertencentes á comarca do Bierzo e, en Verín, a pacientes de Alta Sanabria. De forma recíproca, pacientes do municipio ourensán de Rubiá, concretamente da parroquia de San Cristóbal de Quereño, son atendidos pola Sanidade de Castela e León (Sacyl) no centro de saúde Puente Domínguez Flórez (provincia de León) se así o desexan. Igualmente, está prevista a derivación de urxencias ao Hospital do Bierzo (en Ponferrada).
Ademais, Galicia tamén presta asistencia sanitaria urxente nas zonas limítrofes con Portugal a través da Memoria de entendemento asinada entre a Consellería de Sanidade e o Instituto Nacional de Emerxencia Médica do Goberno portugués. Este acordo establece o marco normativo para desenvolver, a través do 061, a colaboración sanitaria nas emerxencias entre Galicia e o Norte de Portugal.
O convenio de colaboración con Asturias autorizado hoxe polo Consello da Xunta ten unha vixencia de catro anos e é susceptible de ser prorrogado.
Sanidade galega á vangarda en informática
No eido das tecnoloxías da información e comunicación e de datos, a Xunta é un referente para outras comunidades autónomas na xestión da sanidade pública. De feito, a Consellería de Sanidade tenlle cedido a aplicación informática que xestiona os programas de cribado de cancro tanto a Asturias como a Cantabria.
A través deste sistema, denominado CRIIS, a Xunta realizou preto de 3 millóns de invitacións a participar nos programas de cribado, que supuxeron máis de 2 millóns de probas realizadas. Con esta aplicación, entre outras cousas, realízase a selección da poboación albo, a xestión das citas para probas e os seus resultados, e o seguimento de pacientes con resultados positivos.
Así, Galicia pon á disposición dos gobernos asturiano e cántabro, de forma gratuíta, todas as funcionalidades deste programa informático.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
