O Pleno municipal, a excepción do Partido Popular, posicionouse en contra desta medida impulsada pola Xunta, que suporá un incremento do recibo do lixo de ata o 100% do mesmo
Barreiros, 8 de outubro de 2024. O pleno municipal de Barreiros debatía na noite de onte dúas mocións promovidas polo PSdG-PSOE e o BNG para rexeitar a suba do canon de SOGAMA que os concellos terán que asumir no ano 2025. O Partido Popular votou en contra de ambas.
A alcaldesa, Ana Ermida, explicou que a realidade é que “con motivo dunha mala xestión da Sociedade Pública SOGAMA, participada maioritariamente pola Xunta de Galicia, os Concellos ven como desde o ano 2023 ao ano 2025 o recibo do tratamento de lixo se incrementa practicamente nun 100%.” No caso de Barreiros, explicou, “o Concello pasará de pagar no 2023, 56€ por tonelada (xa que se beneficiaba dunha bonificación sobre o prezo de 68€ establecido pola entidade) a pagar no 2025, no mellor dos escenarios, 95€ por tonelada, cun prezo establecido de 108€ por tonelada”.
Ana Ermida fixo fincapé en que o problema de fondo é que o tratamento do lixo neste País responde a un modelo de negocio e obsoleto, no que se prima a incineración, porque con ela obtense enerxía que se vende no mercado, tendo en conta a participación dunha empresa eléctrica na propia SOGAMA. “Por iso, cando a sociedade daba beneficios non se fixeron esforzos por mellorar ou actualizar o modelo cara a unhas directrices que levan anos emitíndose a nivel europeo”, asegurou, facendo referencia a unha directiva europea do 2008. “É un problema de xestión: pola mala xestión de SOGAMA, participada nun 51% pola Xunta, agora pagamos os pratos rotos os Concellos e, con eles, a veciñanza que, por lei, ten que ver repercutida esta suba nos recibos”, aseverou a alcaldesa.
A alcaldesa manifestou tamén a decepción polo posicionamento do Partido Popular, que segue o argumentario que lle facilitan desde o seu partido en lugar de poñer por diante os intereses da veciñanza; sinalando a hipocresía de “anunciar e executar baixadas de impostos ás rendas máis altas, como o imposto sobre o patrimonio, mentres obrigan aos Concellos a subir taxas que afectan a todo o mundo por igual”.
No debate, a alcaldesa lembrou que o ingreso que se anunciou por parte da Xunta para o 2025 tomará como referencia a poboación, co que iso implica de disfuncionalidade en Concellos coma Barreiros, nos que a poboación de feito e de dereito difiren substancialmente.
Ana Ermida, fixo tamén un repaso das actuacións levadas a cabo na FEGAMP (Federación Galega de Municipios e Provincias), de cuxa executiva forma parte, que xa se ten manifestado contraria de xeito unánime á suba do canon aprobada no seu momento para o 2024 e que traballa sobre esta información para o 2025 que, a efectos prácticos, vén a agravar aínda máis a situación financeira dos municipios.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
