Ribadeo, 9 de outubro, 2024. Esta fin de semana pasada, a Agrupación Cultural Francisco Lanza organizou unha visita á Casa da Matanza, Casa Museo de Rosalía de Castro, en Padrón, e á catedral de Santiago. Vinte e catro persoas desprazáronse até Padrón e Compostela e puideron coñecer máis a fondo a Casa Museo de Rosalía de Castro e máis a catedral de Santiago. No templo compostelán visitaron o Pórtico da Gloria, o Museo catedralicio e as cubertas da catedral.
Por outra banda, nesta primeira semana de outubro comezaron de novo as aulas de galego e de portugués que imparte Dores Fernández Abel, profesora xubilada de Lingua e Literatura Galega, e tamén de portugués no IES de Ribadeo Dionisio Gamallo. Quedan aínda prazas libres para poderse inscribir quen así o desexe.
Ademais, durante a estancia do alumnado do Lycée René Laennec, de Pont l’Abbe (Bretaña) aproveiouse para agasallalos cun exemplar do “Ribadeo antiguo” que se ven de reeditar. Cando as familias bretoas estiveron en Ribadeo, xa se agasallou ao concello de Loktudi cun exemplar da obra do insigne Francisco Lanza. Tanto na sala de lectura da Biblioteca Municipal de Loktudi, como na do Lycée René Lannac, de Pont l’Abbe, van poder coñecer un pouquiño máis da nosa historia.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
