Ribadeo, 17 de outubro de 2024. O Concello de Ribadeo solicítalle á Deputación de Lugo 50.000 euros para o Ribadeo Indiano 2025, evento que cumprirá o seu décimo aniversario.
O alcalde, Dani Vega, explicou que “hoxe tivemos unha reunión na Deputación, á que lle trasladamos o noso agradecemento pola colaboración co Ribadeo Indiano, firmamos ese convenio para este Ribadeo Indiano deste 2024 e xa tamén trasladamos unha petición clara para o próximo Ribadeo Indiano. No próximo vanse cumprir dez anos, polo tanto tamén queremos facer algo moi significativo, algo de importancia e poñer de releve un evento cultural, un evento reivindicativo da nosa tradición indiana como Ribadeo pobo acolledor, pedimos que colabore a Deputación con 50.000 euros”.
O rexedor considera que “a Deputación vainos apoiar, parece que nos vai apoiar, vamos esperar a ver que nos responden e trasladamos tamén o noso agradecemento pola colaboración que está tendo ata o de agora, pero queremos incrementar esa participación por parte da Deputación e queremos facer cousas nese décimo aniversario de máis releve e necesitamos evidentemente máis orzamento”.
Vega indicou que “Tamén lle trasladamos unha proposta para seguir colaborando coas actividades culturais e neste caso falo das presentacións de libros que estamos tendo en Ribadeo e tamén en actividades culturais relacionadas co benestar social e coas actividades nas parroquias”.
O alcalde engadiu: “entendemos que a Deputación vainos trasladar unha resposta nun breve prazo, que van colaborar, porque entendemos que a Deputación ten a obriga como institución de colaborar con Ribadeo e temos que estar dentro desa colaboración institucional, que é tan importante para os municipios e neste caso para Ribadeo como Concello, que necesita orzamento para facer as súas actividades”.
Ata o Pazo de San Marcos se desprazaron nesta xornada o alcalde, Dani Vega, e a concelleira de Turismo e Comercio, Marta Saiz.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
