A Pontenova, 24 de outubro de 2024. Ante a pretensión por parte do Ministerio de Transportes de suprimir diversas paradas de transporte colectivo por estrada por toda Galiza, medida ligada á Lei de Mobilidade Sustentábel que se atopa actualmente como proxecto de lei en tramitación, e que afecta, entre moitos outros, a concellos como o da Pontenova, o BNG fará chegar as inquedanzas da veciñanza ao alcalde Darío Campos no próximo pleno co obxectivo de que traslade esta realidade ao seu partido no Goberno.
“Tendo en conta que é un servizo que moitos veciños, veciñas e turistas empregan de forma regular para desprazarse a outras comunidades ou incluso dentro de Galiza, é preciso que se tomen cartas no asunto para evitar esta desarticulación das nosas comunicacións”, afirman dende o BNG da Pontenova con Xorxe Gómez á cabeza.
Tal proposta simplemente demostra o desinterese e descoñecemento en torno á propia realidade territorial galega.
A supresión de paradas prexudicaría aínda máis a realidade territorial galega, a cal historicamente xa se ve fortemente afectada pola carencia de transportes, xerando un gran impacto negativo nas comunicacións no rural e deste coas cidades, en especial neses 22 concellos de toda Galiza nos que está prevista a eliminación destas paradas, deixando sen servizos de transporte público por estrada a un total de 136.000 galegos e galegas. Ante esta situación, o deputado no Congreso polo BNG, Néstor Rego, trasladou toda unha serie de preguntas ao Goberno co obxectivo de “retirar esta proposta e manter, cando menos os actuais servizos, así como analizar conxuntamente coa Xunta de Galiza, a situación de cada unha das vilas afectadas para ampliar e mellorar os servizos de transporte”.
De nada serven os baños de masas cando non se ten interese pola veciñanza
Dende o BNG consideran incoherente que estas medidas de redución de transporte público vaian acorde coas propostas por unha mobilidade máis sustentábel que formulaba o Ministerio de Transportes, pois isto implicaría o aumento dos usos do coche. Do mesmo xeito, todo elo demostra a carencia dun compromiso real por parte do Goberno coa súa idea de dotar ao rural das infraestruturas e servizos necesarios para o seu correcto desenvolvemento, así como por garantir o afianzamento da poboación nestes núcleos máis pequenos. De nada serve darse un baño de masas aproveitando a comida polo Día do Veciño o mesmo día que se deixa a moitos veciños e veciñas de toda Galiza e en especial da provincia de Lugo sen medios e sen liberdade para o movemento en transporte público por toda a xeografía galega e entre comunidades.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
