Alfoz, 26 de outubro, 2024. Despois de semanas de mobilizacións e presión por parte das familias, os nenos do CEIP Plurilingüe Castro de Ouro volveron ás aulas por responsabilidade dos pais. Non obstante, este regreso produciuse baixo a ameaza de expedientes de absentismo, “unha medida que a administración empregou para debilitar a loita das familias, en lugar de buscar solucións reais aos problemas educativos que afectan ao centro”, indican as familias.
O que resulta aínda máis preocupante e indignante para as familias foi o sucedido o pasado mércores, cando as familias decidiron que os seus fillos volvesen ás aulas. A inspectora de educación, que leva o control deste colexio, visitou o centro cunha única e clara intención: contar o número de nenos presentes nas aulas. “Este feito parécenos denigrante e unha auténtica falta de respecto ás familias”, indican desde a ANPA e engaden, “no canto de acudir para dialogar ou para avaliar as necesidades educativas do centro, que levan máis dun mes sendo ignoradas, limitouse a verificar se as familias enviaran os seus fillos ao colexio”, sen preocuparse polos verdadeiros problemas, “unha razón mais para afirmar que para a Xunta os nosos filles e fillas son simples números”, conclúen.
As familias denuncias que “non só non se reuniu coa dirección do centro, senón que tamén evitou calquera contacto coa orientadora”, que ese día estaba no colexio, e, o que resulta aínda máis grave, non quixo falar coas familias, “nin sequera houbo un aviso da súa visita”, subliñan. Este comportamento demostra a falta de interese real por parte da administración nas dificultades educativas que levan semanas sendo denunciadas.
As peticións da ANPA son claras e sostidas, “esiximos a incorporación inmediata dunha especialista en Pedagoxía Terapéutica (PT) para atender adecuadamente ao alumnado con necesidades educativas especiais”. Ademais, “pedimos que se realice unha avaliación das necesidades do centro por parte da administración, de maneira transparente e colaborativa”, e que se establezan os recursos necesarios para garantir unha educación de calidade para todos os alumnos e alumnas.
Para as familias, resulta incrible que, tras todo este tempo de solicitudes para que alguén da Xunta acudira ao centro a avaliar a situación, especialmente as necesidades dos nenos con atención educativa especial, “a única resposta da administración sexa mandar a unha inspectora cuxa única función foi verificar se os nenos acudiran ao colexio. Non lles importa o benestar dos nenos, só queren controlar e coartar o noso dereito a protestar”.
As familias do do CEIP Plurilingüe Castro de Ouro están profundamente indignadas por esta cuestión, e “o comportamento da Xunta non fai máis que reafirmar a nosa determinación de continuar coa loita”, indican. O que as familias reclaman é un compromiso serio coa educación dos seus fillos e fillas, “non visitas inútiles que non achegan ningunha solución aos problemas que estamos a sufrir”.
As familias do CEIP Castro de Ouro non deixaran de loitar ata que se cubran as necesidades do centro. Nese sentido, reiteran o seu apoio á Plataforma Galega en Defensa do Ensino Público e anuncian a súa participación na manifestación que terá lugar mañá sábado 26 de outubro ás 12:00 horas en Santiago de Compostela, con saída da Alameda. “Alí faremos visible, unha vez mais, o noso rexeitamento ao abandono da educación pública no rural”, exixindo unha educación digna e de calidade para todos os nenos e nenas.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
