A formacion nacionalista tamén sacou adiante unha moción que esixe compromisos orzamentarios para garantir a atención ás vítimas de violencia machista
Lugo, 29 de outubro de 2024. O pleno da Deputación de Lugo aprobou cos votos de BNG e PSdeG unha proposta do goberno provincial en defensa da lingua galega que urxe un cambio de rumbo nas políticas lingüísticas para frear o retroceso no uso do galego, especialmente entre as xeracións máis novas, que constata o último informe do Instituto Galego de Estatística sobre coñecemento e uso do idioma.
A proposta reclama á Xunta de Galiza derrogar o decreto do plurilingüismo que minoriza a presenza do galego no ensino, asegurar o pleno dereito de uso do galego na relación coas administracións e os servizos públicos, así como nos ámbitos culturais e de lecer recuperando o papel normalizador da TVG ou garantindo a presenza de galego en contidos audiovisuais e dixitais, entre outras medidas.
A deputada Iria Castro criticou a falta de autocrítica e a inacción da Xunta de Galiza , que se escuda na “liberdade de uso” para aplicar políticas que están a levar ao galego a mínimos de uso e coñecemento. “Non hai liberdade se as dúas linguas non están nas mesmas condicións”, concluíu a deputada, tras expoñer as situacións de minorización do galego no ensino ao quedar relegado nas materiais científicas, na cultura e no lecer por falta de contidos en galego, ou na administración.
A propsota tamén expresa o apoio do goberno provincial á convocatoria de mobilización pola lingua da Plataforma Queremos Galego para o 17 de novembro en Compostela.
O BNG demanda á Xunta compromisos económicos que garantan a atención ás vítimas da violencia machista
O BNG tamén sacou adiante unha moción para reclamar á Xunta de Galiza compromisos económicos e orzamentarios para garantir a atención ás vítimas da violencia machista.
Coincidindo coa tramitación no Parlamento dos Orzamentos para 2025, o BNG demanda ao goberno galego unha partida singularizada para dotar o servizo de atención primaria dos recursos e persoal necesario para prestar asistencia psicolóxica ás vítimas de violencia machista e un incremento da partida destinada ao Centros de Información á Muller, que cubra a ampliación desta rede de centros na provincia de Lugo.
Ademais, a moción urxe á Xunta de Galiza a rectificar a decisión de privatizar os futuros centros de crise 24 horas para a atención de mulleres vítimas de violencia sexual, cuxa apertura se anunciou para o último trimestre do ano e que, no caso de Lugo, se ubicará no Hula.
Iria Castro advertiu que a privatización destes centros suporá unha precarizarizacion da atención ás vítimas e dos postos de traballo. “Se é negocio para alguén, non é un servizo”, concluíu a deputada nacionalista na exposición da proposta, que saiu adiante cos votos do PSdG.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
