As actividades comezan este xoves cun encontro con colectivos sociais e artísticos no Museo Provincial de Lugo
Lugo, 30 de outubro de 2024. A Rede Museística Provincial desenvolverá ao longo do mes de novembro o programa de visitas guiadas “Rompe o silencio. Non hai escusa” nas que se amosará a desigualdade e a violencia contra as mulleres como un elemento estrutural que se reflicte tamén na representación das mulleres en obras de arte de distintas etapas históricas.
Baixo a premisa da interseccionalidade, os itinerarios están deseñados para sinalar a interrelación entre a desigualdade de xénero e outros factores como a raza, a clase social, a orientación sexual, a discapacidade, a idade ou orixe étnica, que crean formas específicas e complexas de discriminación.
Os percorridos referencianse tamén no Convenio de Istambul, empregando as pezas artísticas para ilustrar aspectos fundamentais deste tratado xurídico internacional que recoñece a violencia de xénero como unha violación dos dereitos humanos e sinala a igualdade de xénero como clave para previla.
De maneira previa ás visitas, que se desenvolverán nos catro museos provincia, este xoves -31 de outubro- o Museo Provincial de Lugo acolle o encontro “Eliminación da violencia contra as mulleres: a mirada interseccional e a comprensión da lei a través da arte”, aberto á participación de colectivos e profesionais do ámbito social e artístico intersados na temática.
Visitas pola Igualdade
Museo Provincial de Lugo: Tradución da lei contra a violencia de xénero mediante pezas museísticas.
Horario: Sábados de novembro ás 11.00 h.
Museo Fortaleza San Paio de Narla: “SoTERRAdas” – Descubrindo a obra “Delitos carnais” de Luz Darriba e a lenda de Catarina.
Horario: Sábados de novembro ás 12.00 h e ás 17.00 h.
Museo do Mar de San Cibrao: “Mareas de cambio” – Loitando pola eliminación da violencia contra as nenas.
Horario: Sábados de novembro ás 12.00 h.
Pazo do Tor: “Abrazando o bo trato” – Reflexión sobre a violencia de xénero nas mulleres maiores.
Data: 20 de novembro ás 11.00 h.
Outras accións
O programa tamén inclúe unha actividade interactiva na que as persoas poden expresar as súas experiencias, sentimentos e opinións a través dun altofalante, ademais de participar nun photocall para visibilizar a loita contra a violencia de xénero.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
