Os populares condenan tamén “a actitude ditatorial e autócrata da señora alcaldesa”; xa que “lle negou ao portavoz do PP o turno de palabra por alusións a pesar de que calquera concelleiro ten dereito por norma”
Burela, 6 de novembro de 2024. “O PP de Burela non se equivoca nas súas predicións”. Así o manifestan os concelleiros tralo pleno extraordinario deste mércores en relación á creación da Comisión de Memoria Histórica abordada nun pleno de abril no que os populares advertiron á señora alcaldesa que era “ilegal o que pretendía facer”.
Os populares presentaron posteriormente varios escritos por rexistros solicitando que “revocara a situación de forma voluntaria”. Pero, “visto que non atendeu a razóns o Grupo Municipal Popular presentou un recurso de reposición para que a propia alcaldesa e o goberno local reverteran a situación, pero pasado o prazo tampouco se resolveu”.
“Foi cando o PP deu un paso máis para restablecer a legalidade presentando un recurso contencioso-administrativo no Xulgado, cando a alcaldesa decidiu presentar a pleno a creación da Comisión de Memoria Histórica, fóra de prazo, e desta vez si rectificando as cuestións que eran ilegais e que lle advertira en varias ocasións o Grupo Municipal Popular”, segundo subliña o portavoz, Manuel Rouco.
Como poden comprobar os veciños e veciñas de Burela, “as afirmacións, propostas e indicacións dos concelleiros do Partido Popular son acertadas”, subliña.
ACTITUDE DITATORIAL DA ALCALDESA
Os populares condenan tamén “a actitude ditatorial e autócrata da señora alcaldesa”; xa que “lle negou ao portavoz do PP o turno de palabra por alusións, a pesar de que calquera concelleiro que sexa aludido no Pleno ten dereito a un turno de palabra extraordinario, como está recollido no artigo 94 do Regulamento de Ordenación e Funcionamento (ROF)”.
“É moi difícil que un Concello coma o de Burela saia para adiante cando aos seus mandos está unha persoa que ten este tipo de comportamentos”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
