O Goberno galego destinou 551.000 euros a financiar o taller, que alternou a formación teórica e a práctica laboral nas especialidades de atención sociosanitaria e traballos de carpintería e moble
O Vicedo, 21 de novembro de 2024. A Xunta entregou hoxe os diplomas ás 20 persoas alumnas-traballadoras que se formaron durante o último ano no obradoiro de emprego Terras do Sor VII, promovido polo Concello do Vicedo asociado cos de Ourol e Muras.
A Consellería de Emprego, Comercio e Emigración financiou a actividade con 551.000 euros, incluídos os incentivos para a contratación de participantes en empresas por un período mínimo de tres meses unha vez que finalice o taller. Os postos de traballo que ocuparán están relacionados coas materias impartidas.
O delegado territorial da Administración galega, Javier Arias, participou hoxe no acto de clausura, onde destacou que o alumnado “sae mellor preparado para optar a un emprego de calidade ou mesmo para explorar a posibilidade de emprender un negocio”. Se optan por esta última alternativa “poden buscar apoio e asesoramento gratuíto na rede de Polos de Emprendemento da Xunta”, que conta cunha oficina en Mondoñedo para a área da Mariña.
O obradoiro alternou a formación teórica coa práctica profesional en dúas especialidades: atención sociosanitaria e traballos de carpintería e moble. O alumnado da primeira realizou as prácticas na residencia de maiores Betania de Viveiro.
Na modalidade de carpintería acometéronse traballos de interese público, como a fabricación de mobiliario urbano. Así, os tres concellos contan con cadeiras pregables elaboradas no taller. Ademais, para o Vicedo fixéronse xardineiras, papeleiras, bancos, cobre contedores e dúas porterías de fútbol. Para Ourol elaboráronse cobre contedores e dúas marquesiñas; ademais dun valado de madeira destinado ao Paseo da Rega. Tamén se instalou un ceo raso no salón de plenos da Casa do Concello.
No caso de Muras, aplicáronse tratamentos antifungos e antixilófagos no mobiliario urbano e fabricouse unha porta corredoira para a Aula da Natureza.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
