A alcaldesa de Vilalba, Marta Rouco, trasladoulle persoalmente a necesidade de actuar sobre o firme da estrada provincial ao presidente da Deputación
Vilalba, 26 de novembro de 2024. A alcaldesa de Vilalba, Marta Rouco, visitou no día de hoxe o tramo da estrada LU-P-0106 que discorre pola parroquia de Corvelle logo de que a Deputación de Lugo anunciase o arranxo do firme da mesma.
En concreto as obras da estrada centraranse nos primeiros 600 metros, pertencentes ao Concello de Abadín, e o tramo comprendido entre os quilómetros 2,920 e 6,043. Neste último tramo aproximadamente 500 metros de estrada discorren pola parroquia de Corvelle, polo que o Concello de Vilalba será beneficiario directo da actuación da Deputación de Lugo sobre a estrada de titularidade provincial.
“Os veciños da contorna fixéronme saber o estado de deterioro que presentaba o firme e persoalmente trasladeille ao presidente da Deputación, José Tomé, a necesidade de actuar sobre esta estrada, fundamental na conexión con outras parroquias vilalbesas, como Carballido, e co municipio de Abadín”, explicou a alcaldesa de Vilalba, Marta Rouco.
Nesa liña, a rexedora vilalbesa, acompañada polos concelleiros Luis Fernández e Ignacio Criado, visitou no día de hoxe o tramo de estrada que discorre polo municipio vilalbés e que será rexenerado grazas ao compromiso da Deputación de Lugo co Concello de Vilalba.
Ademais, Marta Rouco, xustificou a importancia da actuación “porque se trata dunha estrada provincial que conecta a vía autonómica LU-113, que vai de Rozas a Abadín, coa Nacional 634” e, polo tanto, “unha vía que comunica aos veciños e veciñas do noso concello con Abadín e cos accesos á estrada nacional que conduce ao noso casco urbano dende a parroquia de Corvelle”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
