As decoracións deberán estar expostas ata o 6 de xaneiro de 2025
Ortigueira, 30 de novembro de 2024. O Concello de Ortigueira pon en marcha o primeiro Certame de Decoración de Nadal, unha iniciativa que busca promover a creatividade e o espírito do Nadal entre os veciños e veciñas do municipio. Este concurso convida a todas as vivendas do termo municipal a participar decorando espazos visibles como balcóns, xanelas, portas ou fachadas con motivos relacionados coas festividades do Nadal e as tradicións asociadas.
O certame está dividido en tres categorías segundo o espazo decorado: balcóns, xanelas ou portas, e fachadas. Cada participante poderá escoller unha destas categorías para inscribir a súa decoración, destacando polo seu deseño, iluminación e conexión coa tradición popular. As decoracións serán avaliadas por un xurado composto polo alcalde ou un concelleiro delegado, a concelleira de Cultura e dous técnicos municipais.
As persoas interesadas poden inscribirse ata o 22 de decembro chamando ao 981 400 000 ou de maneira presencial nas oficinas xerais do Concello, no Departamento Municipal de Cultura. Para garantir a realización do certame, requírese un mínimo de cinco participantes en cada categoría de decoración.
Os resultados anunciaranse o mesmo 22 de decembro, data na que tamén se entregarán os premios ás decoracións gañadoras en cada categoría, consistentes en cestas de Nadal. As decoracións deberán manterse expostas ata o 6 de xaneiro de 2025 para que poidan ser gozadas por toda a comunidade durante as festas.
As decoracións deberán manterse expostas ata o 6 de xaneiro de 2025 para que poidan ser gozadas por toda a comunidade durante as festas. Con esta iniciativa, o Concello busca non só embelecer o municipio, senón tamén fomentar a participación cidadá e o espírito de convivencia nunhas datas tan sinaladas.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
