“É unha nova pésima e a súa argumentación carece de razón de peso” afirmou Marta Rouco, quen lamenta que “dende o goberno autonómico se siga desprezando desta forma a Vilalba e, sobre todo, aos vilalbeses e vilalbesas”
Vilalba, 3 de decembro de 2024. O Concello de Vilalba vén de recibir a resposta desfavorable da Axencia Galega de Turismo para a declaración da Feira do Capón como Festa de Interese Turístico de Galicia, unha nova “pésima” coa que a alcaldesa, Marta Rouco, amosa un profundo malestar.
“A Xunta de Galicia argumenta a súa desestimación na falta de arraigamento da Feira do Capón en Vilalba”, explicou a rexedora vilalbesa, Marta Rouco, quen considera que “esa argumentación carece de razón de peso, e non se trata dunha opinión persoal, senón apoiada polos criterios que o Consello Provincial de Turismo esgrimiu para galardoar a nosa Feira do Capón o pasado mes de setembro co premio ‘E para comer…Lugo’ pola súa antigüidade, singularidade, arraigamento e valor cultural”.
“O capón de Vilalba ten unha longa historia demostrada coas referencias bibliográficas que posuímos no Concello e nos falan da existencia de capóns desde o ano 1521”, salientou a alcaldesa de Vilalba. Ademais, a Feira do Capón “destaca por ser a única feira en Galicia destas características, sendo a máis arraigada no tempo, e conta cun elevado número de criadores de capóns locais e consumidores fieis a un produto de alta calidade, mantendo ano tras ano unha feira tradicional”, indicou Marta Rouco.
“A resolución da Xunta de Galicia mesmo chega a mencionar que durante o ano da pandemia a feira non se celebrou pero os capóns para o Nadal se venderon igual”, salientou a alcaldesa de Vilalba, para quen “isto denota un profundo descoñecemento por parte da Axencia Galega de Turismo tanto da Feira do Capón como da identidade do pobo vilalbés; de feito, entre a documentación aportada queda acreditado a celebración de numerosas actividades arredor da Feira do Capón”.
“Calquera vilalbés ou vilalbesa sinte a Feira do Capón como unha celebración propia e á que todos acudimos ano tras ano, con independencia de que un vaia a mercar capóns ou non”, explicou a rexedora vilalbesa ao tempo que asegurou que “o meu malestar increméntase por ver como dende o goberno autonómico se sigue desprezando desta forma a Vilalba e, sobre todo, aos vilalbeses e vilalbesas”.
Pola súa banda, a alcaldesa de Vilalba, Marta Rouco, adiantou que “dende o Concello de Vilalba seguiremos insistindo e comprométome persoalmente a que volveremos a iniciar os trámites, presentar a documentación e seguiremos loitando polo que nos é de dereito”. Así pois, para axilizar o máximo posible esta cuestión a rexedora solicitou no día de onte unha reunión do director da Axencia de Turismo de Galicia para tratar este tema.
Finalmente, a Rouco quixo salientar que “chócanos especialmente esta noticia porque este pasado domingo, precisamente na presentación da Feira do Capón, o delegado da Xunta de Galicia en Lugo, Javier Arias, trasladoume a min e aos medios de comunicación a súa intención de apoiar esta iniciativa, á vez que falaba dunha feira mítica e tradicional, criterios que polo visto non comparten dende a administración á que Arias representa na nosa provincia”.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
