Todo o mundo coñece ese mito de que as avestruces cando teñen algún tipo de medo ou perigo meten a cabeza debaixo da terra. Se eu non vexo, a min non me ven. A idea é deixar pasar o tempo a ver se se soluciona o problema.
Esta é unha actitude clara do señor Cajoto nestes últimos cinco anos. Foron, son e serán moitos os expedientes que demostran esa actitude de covardía ante as situacións complexas. Outra idea que segue o señor Cajoto é a de botarlle a culpa aos demais ou deixar que outros resolvan.
Estamos a vivir en Foz unha situación de parálise absoluta na que o máximo responsable é o alcalde, o señor Cajoto. Se as cousas lle van mal cos seus socios de goberno, parece ser que, neste caso, a culpa é do BNG. Se as cousas lle van mal cos hostaleiros, porque non conta para nada con eles á hora de lexislar, parece ser que a culpa é dos hostaleiros ou, como di sempre, do Partido Popular.
Se os veciños protestan pola suba dos impostos e taxas municipais (auga, contribución, recollida do lixo…), o señor Cajoto mete a cabeza debaixo da terra, pensa que soluciona todo, e a culpa, loxicamente, bótalla ao Partido Popular ou a calquera outro menos a el. Se hai problemas na residencia, Cajoto volve a meter a cabeza debaixo da terra, como fai a avestruz, e, novamente, culpa a todo o mundo: aos usuarios, á Plataforma, á Xunta de Galicia, ao Partido Popular e, incluso, aos seus propios socios de goberno.
E, agora, nun asunto que é grave porque hai moita xente preocupada como é o tema do tráfico, o señor alcalde volve a meter a cabeza debaixo da terra e, neste caso, evidentemente, botándolle a culpa ao Partido Popular, respaldándose no Plan de Mobilidade, un documento técnico que encargou el mesmo e que, en base a iso, pode tomar as decisións que a el lle apeteza sen consensuar absolutamente nada con ninguén, nin cos grupos políticos nin con afectados nin con veciños nin con empresas.
Esta actitude está a ser moi lesiva para o Concello de Foz porque se están facendo cousas que, verdadeiramente, non están a funcionar e están prexudicando a moita xente. E o máximo responsable o que fai é culpar aos demais, meter a cabeza debaixo da terra e esperar a que pasen os problemas.
Ese mito din que, efectivamente, non existe, é dicir, que as avestruces non meten a cabeza debaixo da terra ante situacións críticas. Polo tanto, o único “ser” que mete a cabeza debaixo da terra para evitar problemas pois, neste caso, é o alcalde de Foz.
Polo tanto, desde o Partido Popular o que lle pedimos é que intente afrontar a realidade e, sobre todo, o máis sinxelo: que escoite aos seus veciños aínda que ás veces non guste o que opinen.
En definitiva, dicímoslle ao señor Cajoto que quite a cabeza de debaixo da terra e que escoite aos cidadáns porque, neste caso, en Foz están moi cabreados polo tema do tráfico. Esperemos que non suceda o mesmo que na residencia e que isto non se volva un bucle que despois non teña solución.
Javier Castiñeira. Portavoz do PP no Concello de Foz
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
