Ribadeo, 7 de decembro de 2024. Acisa agradece a subvención de 23.000 euros concedida pola Vicepresidencia da Deputación de Lugo para os gastos derivados da coorganización do Ribadeo Indiano 2025.
Dende a directiva de Acisa sinalan: “desde a asociación facemos unha valoración moi positiva do anuncio feito pola Vicepresidencia da Deputación, a través da Área de Cultura, da subvención de 23.000 euros que imos recibir para os gastos derivados da coorganización do Ribadeo Indiano 2025. Queremos agradecer o recoñecemento que supón para nós como motor importante do tecido económico e social da vila”.
Lembran que “levabamos moitos anos traballando para poder optar a ela”. E engaden desde a Asociación de Comerciantes, Industriais, Servizos e Autónomos que “esta subvención servirá para que dende Acisa poidamos facer fronte á grande inversión que dende o primeiro Ribadeo Indiano vimos facendo nesta actividade transcendental para os negocios ribadenses, e ademais poder aumentala para así ofrecer máis e mellores servizos aos nosos socios e socias e ampliar a nosa achega á programación do evento”.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
