O voceiro popular critica que con todos estes convenios e decretos de presidencia “unicamente se beneficio a amigos do PSOE e do BNG” xa que “os documentos amosan que no que vai de ano destinaron 0€ a municipios gobernados polo PP”
Lugo, 9 de decembro de 2024. O PSOE e o BNG repartiron a dedo “sen ningún tipo de criterio obxectivo” no que vai de 2024, polo menos, 9.000.000€ en 68 convenios e decretos de presidencia “entre os seus afíns”, unha cantidade que nas próximas semanas aumentará notablemente no que se coñece “como as pedreas e o gordo de fin de ano do goberno provincial para os seus amiguetes”.
O voceiro provincial popular, Antonio Ameijide, explica que “PSOE e BNG seguen a discriminar” a máis da metade dos veciños da provincia xa que “con esta forma de actuar, totalmente subxectiva e beneficiando a quen eles queren o que están a facer é fomentar as desigualdades dentro da provincia”.
“Os números son os que son e semella que lles dá vergoña facelos públicos porque moitos dos convenios e decretos os agochan das roldas de prensa e das notas de prensa. Non lles dan publicidade porque se lles cae a cara de vergonza”, explicou.
No que vai de 2024 o 81% dos convenios aprobados en xunta de goberno provincial foron con concellos gobernados polo PSOE mentres que non houbo ningún para concellos gobernados polo Partido Popular.
Da análise dos convenios asinados extráense conclusións moi chamativas, como que “queren axudar a determinados concellos en determinadas actuacións, privando ao resto de municipios de ter as mesmas oportunidades”.
Antonio Ameijide refírese a que dentro dos convenios asinados hai conceptos como o pago de orquestras ou gastos correntes, “algo ao que se negaron tanto PSOE como BNG a que se incluíse dentro do Plan Deputación”. “Din non cando se propón incluír estes gastos nas bases do Plan Deputación, pero o que en realidade queren dicir é que non queren axudar nestes sensos a todos os concellos, só axudar aos gobernados por PSOE e BNG, de aí a sinatura dos convenios”, denunciou.
“A realidade é que a Deputación está para colaborar con todos os concellos, de forma igualitaria, non de forma sectaria como fan PSOE e BNG xa todos os municipios teñen necesidades pero José Tomé segue negándose a atendelas en función da cor política do alcalde que goberna cada municipio”, lamentou, ao que engade que “un trato desigual que se pode ver nalgo tan simple como que segue negándose a atender as peticións de entrevista realizadas polos alcaldes do Partido Popular”.
Antonio Ameijide destaca que esta forma de actuar xa a deixaron clara no último pleno, cando dende o goberno provincial “falaron abertamente e sen ruborizarse de que na provincia había veciños en xeral e veciños do Partido Popular”.
UNHA PROVINCIA A DÚAS VELOCIDADES
Antonio Ameijide denuncia que o que queren impoñer tanto PSOE como BNG “é unha provincia de dúas velocidades, a que gobernan PSOE ou BNG e o resto da provincia”.
O voceiro provincial popular afirma que “como Tomé non ten altura de miras suficiente para dar un trato igualitario á provincia non nos queda máis remedio que ser extremadamente duros e fiscalizadores e esixirlle limpeza” xa que analizando a documentación comprobamos que “non basta con ser do PSOE ou do BNG, senón que tamén hai que ser amigo”.
Na documentación analizada vese “ese dobre raseiro” xa que no Concello de Antas de Ulla, cunha alcaldesa do círculo máis próximo a Tomé, vese como se asina un convenio por valor de 619.067,23€, poñendo a Deputación 618.967,23€ e o Concello 100€; mentres que noutro convenio, asinado co Concello de Castroverde, esíxenlle ao alcalde que poña a metade do investimento. “Hai amigos, compañeiros de partido e inimigos para o presidente”, afirmou.
UN PRESIDENTE SEN PROXECTO E NERVIOSO
Antonio Ameijide denuncia que mentres Tomé “se perde nas descualificacións, dende o PP seguimos coa mesma política, revisando os números e traballando polos veciños, ata acadar a igualdade na provincia xa que temos un goberno provincial caduco, sen ideas e un presidente nervioso e en branco e negro”.
“A realidade é que Tomé está tan nervioso que ten que recorrer a este tipo de convenios porque é o único medio que ten para comprar apoios. É tan grande a inxustiza, que a este tipo de manobras nunca lle dan publicidade nas roldas de prensa da xunta de goberno porque lles avergonza”, sentenciou.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
