Ribadeo, 11 de decembro de 2024. Ribadeo aposta por mellorar a accesibilidade e a seguridade de prazas e espazos públicos. As obras en Pancho Maseda marchan a bo ritmo.
O alcalde, Dani Vega, contou que “avanzan a moi bo ritmo as obras na praza Pancho Maseda. Estamos satisfeitos do traballo que se tenta realizar, estamos mellorando a seguridade e a accesibilidade, dado que nesa praza estaban todas as losetas de pedra levantadas e había moitas queixas de moitas persoas que acoden ao centro social porque tropezaban e estaban correndo riscos”.
O rexedor dixo que “tamén había unha falta de accesibilidade. Non só é o caso desta praza Pancho Maseda, senón que a moitos edificios por desgraza non poden entrar todas as persoas. Pasaba na Escola de Música, tivemos que dotala dun ascensor e melloraramos a rampla na porta lateral e aquí vamos mellorar toda a parte dianteira. Xa pasou que moitas persoas con cadeira de rodas non puideron entrar nesta praza, xa pasou que moitas veces tivo que acudir a ambulancia e tivo que quedar na parte de adiante do Concello porque non podía entrar ata o centro social e iso non o podemos permitir”.
Vega explicou que “o que se fai é unir a beirarrúa á praza, así hai unha accesibilidade garantida, hai unha maior seguridade en todo o espazo porque se suxeitaron todas as losetas de pedra, hai unha maior iluminación porque eliminamos unha farola inmensa que estaba rota e que tiñamos que ter soldada, medio atada, porque estaba rota, e agora vamos colocar tres farolas máis adecuadas e vai haber maior iluminación, como tamén vamos mellorar toda a humanización. Vai haber plantas nos parterres onde están as árbores, novas árbores que vamos plantar, tamén eliminamos certas vallas que había diante do edificio de Aduanas, que non estaban permitidas por Patrimonio porque se colocaron de calquera maneira e sen ningún tipo de permiso.Tamén vamos eliminar as bandeiras do balcón, dado que destrozaron toda a balconada, toda a forxa, e por iso vamos eliminar esas bandeiras e vamos colocalas nun sitio máis adecuado e con maior seguridade”.
Para Dani Vega “coidar o patrimonio tamén é eliminar todo o tipo de pintadas que hai no Concello e tamén vamos mellorar todo o que ven sendo a parte dianteira das vivendas sociais no Parque de San Francisco. Aí é colocar pedra para ter un espazo para os bancos para que as persoas poidan sentarse e descansar baixo a sombra das árbores que aí existen. Tamén vamos colocar plantas en todo o parterre onde están esas árbores, que xa podamos e así vamos seguir conservando nelas. E tamén vamos mellorar todo o espazo dos contedores, dado que causan moitos problemas, moitas avarías e tamén é un foco para os roedores. Por iso, desde a empresa que fixo a desratización nos alertaron de que aí hai un foco bastante importante. Tamén estamos aí traballando nese tema”.
O alcalde indicou que “toda a humanización tanto diante das vivendas sociais, ao lado do Concello, é dicir na praza Pancho Maseda, como todo o coidado que estamos tendo nas árbores do Parque de San Francisco, moitas delas estaban enfermas, conseguimos practicamente sacar adiante todos os castaños de indias, que estaban bastantes enfermas, conservámolas, parece que non vamos dar conseguido conservar unha das palmeiras que ten picudo, pero vamos coidar todas as nosas árbores, vamos coidar todos os nosos espazos e por iso tamén queremos seguir dotando de maior accesibilidade nas prazas, nos edificios públicos, que é o realmente importante. Pensar nas persoas, tamén é pensar que poden acudir ao centro social ou ao miradoiro que hai naquela zona e así disfrutar”.
O rexedor engadiu: “tamén temos que mellorar a accesibilidade do aparcamento da rúa do Pipelo, dado que esas escaleiras causaron moitos esvaróns e chamáronnos e houbo certas queixas por como estaba esa situación. Polo tanto, vamos dotar de maia de seguridade esas escaleiras e tamén melloraremos a accesibilidade ao aparcadoiro da rúa do Pipelo. Mellorar os espazos e dotalos de seguridade, dotalos de accesibilidade, de maior iluminación e disfrutalos o máximo tempo posible por parte de todos os ribadenses e por parte dos visitantes”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
