Insiste en que o acordo acadado co Reino Unido supón grandes baixadas na pescada do caladoiro do Atlántico Norte, o que repercutirá nunha perda de ingresos para economía galega de 54 M€
Santiago de Compostela, 11 de decembro de 2024. O conselleiro do Mar, Alfonso Villares, considera que o Goberno central nin fixo o seu traballo, nin negociou correctamente o reparto de cotas do Gran Sol, tal e como se fixo público no día de hoxe. Tal é así que Villares tacha de “envelenada” a proposta defendida pola Comisión Europea ao ser a herdada do anterior equipo do Comisario Sinkevicius. Por este motivo, o conselleiro remarca que o Executivo non logrou cambios significativos coa negociación e que non achegou argumentos para corrixir a distribución dos límites de capturas deste caladoiro.
Deste xeito, o responsable autonómico lamenta que o único que se plasmase fose a proposta inicial e que non se tivesen en conta as cuestións que indica a sentenza do Tribunal de Xustiza Europeo (TXEU) relativas a que no reparto hai que ter en conta os aspectos socioeconómicos de cada zona. E é que o acordo acadado co Reino Unido supón grandes baixadas na pescada que faena nas augas do Atlántico Norte, o que repercutirá nunha perda de ingresos moi importante para a economía galega, cifrada en preto de 54 millóns de euros.
Asemade, especies como o xurelo da zona 9A (augas portuguesas-este), o ollomol ou a cigala tampouco son alleas a estas restricións que incrementarán a perda de competitividade e da economía dos barcos que se dedican á súa captura. Para o máximo mandatario de Mar da Xunta é positivo que se corrixisen incoherencias relativas ao abadexo, ao xurelo do Cantábrico e á anchoa, que viñan sendo demandadas nos últimos tempos por Galicia, coma a separación dos stocks da anchoa da zona 9A e a posibilidade de pesca dirixida no xurelo do Cantábrico. Asemade, Villares considera que existen casos de posible incidencia negativa, coma o ollomol, e que estes efectos se irán vendo a medida que a aplicación dos recortes se faga efectiva
Por todo elo, dende Galicia, o responsable de Mar adianta que se seguirá traballando e en permanente diálogo co sector para defender os seus intereses.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
