Celebrarase o xoves 19 de decembro nas Escolas de San Cosme e está financiado pola Área de Medio Rural da Deputación de Lugo
Barreiros, 18 de decembro de 2024. O Concello de Barreiros acolle a celebración do IV Consello Alimentario do Eo que se celebrará o xoves 19 de decembro nas Escolas de San Cosme. Este evento está financiado pola Área de Medio Rural da Vicepresidencia da Deputación de Lugo.
A alcaldesa de Barreiros, Ana Ermida, amósase orgullosa porque Barreiros fora elixido como sede para a celebración deste evento, “o que afonda na referencialidade do noso Concello neste ámbito e dá continuidade aos compromisos deste goberno na mellora da educación alimentaria que se lles está a dar ás nosas crianzas e na que somos un concello pioneiro.” A rexedora explica que “os obxectivos que comparten coa posta en marcha deste modelo son, a maiores de acadar un estado óptimo de saúde e desenvolvemento, actuar como axentes promotores de condutas saudables”.
Neste Consello Alimentario participarán numerosos axentes do territorio como gobernos locais, organizacións sociais e sindicais, grupos de desenvolvemento rural, mancomunidades, Deputación, centros escolares, centros de investigación etc., que fomentan uns sistemas alimentarios locais respectuosos co medio ambiente, sostibles, inclusivos, seguros e diversificados e que aseguran unha alimentación saudable, sostible e accesible ao conxunto da poboación, potenciando asemade o emprego local.
A concelleira de Igualdade, Educación e Saúde Pública, Montse Porteiro, explica que “será un acto eminentemente participativo co obxectivo de establecer conexións entre os sectores implicados, propoñer actuacións para mellorar o sistema alimentario local, promover o desenvolvemento da economía local e garantir o dereito á alimentación”. A través de 4 grupos de acción poderase participar activamente en ámbitos como a produción agroecolóxica, o consumo de proximidade, a cultura da alimentación ou a gobernanza participativa, temas nos que o Concello de Barreiros está involucrado desde o inicio deste goberno municipal.
O Consello Alimentario é un órgano consultivo e de participación que ten como obxectivo promover un sistema agroalimentario local sostible, saudable e xusto a partir dos compromisos que se recollen na Estratexia Alimentaria da Biorrexión do Río Eo 2022-2026 da cal somos parte. O goberno de Barreiros amosa así a súa implicación nas políticas dirixidas ás persoas e que inciden directamente na saúde comunitaria, participando activamente en todos os procesos desde a orixe do produto ata o último paso da elaboración dos alimentos con procedementos culinarios saudables.
A alcaldesa de Barreiros da a benvida a todas e todos os asistentes e deséxalles que esta xornada sexa satisfactoria tanto a nivel individual como colectivamente a maiores de marcar un antes e despois en aspectos de saúde e tamén no avance da igualdade e xustiza social.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
