Foi na reunión da xunta directiva provincial presidida por Elena Candia e na que participaron os titulares destas materias no Goberno galego
Lugo, 19 de decembro de 2024. Elena Candia presidiu a reunión da xunta directiva provincial na que participaron tamén os responsables de Vivenda e Planificación de Infraestruturas e Emprego, Comercio e Emigración no Goberno galego, María Martínez Allegue e José González. O PP da provincia continúa coa así súa actividade e a propia presidenta avanzou que “en xaneiro se reforzará o traballo en áreas de educación e sanidade para que o partido estea vivo e con representación activa nas áreas máis sensibles”.
Candia subliñou tamén, durante a súa intervención, a aprobación esta semana no Parlamento de Galicia dos orzamentos da Xunta para o ano 2025 que “sitúan a Galicia como unha illa de estabilidade fronte á situación da política nacional” e lembrou que “as contas galegas reservan para a provincia de Lugo o maior investimento por habitante (5.840 euros)”.
Candia defendeu o “traballo en positivo” que está a facer o Goberno galego para contribuír ao desenvolvemento da provincia, xerar oportunidades e atender ás demandas actuais dos lucenses cunha xestión “responsable”.
En materia de vivenda e planificación de infraestruturas, Martínez Allegue puxo en valor tanto o traballo do seu departamento “despregado ata o de agora na provincia como os compromisos a futuro” que se traducen nun incremento do orzamento dirixido á provincia de Lugo que superará en 2025 os 70M€ para “seguir mellorando tanto as infraestruturas como o acceso á vivenda”.
En concreto, destacou os avances na autovía Nadela-Sarria, o compromiso coa senda de Ombreiro na LU-234 ou as melloras das comunicacións coa Mariña con partidas plurianuais por importe de 20M€ ou na reconstrución da LU-651 en Folgoso do Courel, cunha dotación de 3 M€ en 2025 e partidas plurianuais de 11 M€, así como os investimentos destinados á conservación das estradas autonómicas. Ao respecto, convidou ao Goberno de Sánchez a “tomar boa nota, deixarse de parches e facer unha planificación anual que garanta a seguridade e as conexións coa meseta”.
No capitulo da vivenda, Martínez Allegue lembrou que “en toda Galicia triplicaremos o investimento para solo residencial e construción de vivenda pública”, e destacou que “na cidade de Lugo esta medida se traducirá en 12M€ en construción de vivenda de promoción pública e máis de medio millón de euros destinados á adquisición para futuro solo residencial. Neste sentido, subliñou tanto os proxectos de rehabilitación da Tinería, onde a Xunta leva investidos máis de 26M€, ou as 1.750 vivendas que se van poder construír co solo residencial que se vai desenvolver na área urbana de Lugo”.
INCREMENTAR OPORTUNIDADES LABORAIS E ATRAER TALENTO
José González puxo en valor, durante a súa intervención, as medidas que está a impulsar o Goberno galego para incrementar as oportunidades laborais dos galegos e galegas e dar resposta a retos actuais do mercado de traballo, como a cobertura de vacantes. Nese marco, detallou que a Xunta está traballando na modernización do Servizo Público de Emprego de Galicia, a través de ferramentas de intelixencia artificial como EMi, que permite casar mellor oferta e demanda e que, ademais, en 2025 contará cunha aplicación móbil que facilitará a colectivos estratéxicos como a mocidade facer autoperfilados. Así mesmo, incidiu nas medidas orientadas a garantir que nas listas de demandantes de emprego estean só aqueles que realmente buscan traballo, incrementando así a eficacia das políticas activas de emprego.
Tamén sinalou a aposta da Xunta por ir da man das empresas, flexibilizando a formación para o emprego e impulsando microformacións á carta dos sectores estratéxicos, e dos propios concellos, co reforzo de programas de éxito como os obradoiros duais ou os programas integrados de emprego. En paralelo ás accións para o mercado interno, fixo referencia á necesidade de seguir atraendo talento exterior, con foco prioritario nos retornados galegos e sempre da man das empresas, con programas en marcha como o Retorna Cualifica Emprego.
Igualmente, sinalou que se seguirá consolidando en 2025 a rede de de polos de emprendemento que suman un total 5 activos na actualidade na provincia de Lugo (A Fonsagrada, Friol, Mondoñedo, Monforte e Sarria).
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
