Viveiro, 21 de decembro de 2024. A Concellería de Cultura do Concello de Viveiro convoca aos veciños e ás veciñas co obxectivo de regular a súa participación como ‘figurantes’ na Cabalgata de Reis o domingo día 5 de xaneiro.
A inscrición está aberta a todos os nenos e nenas que, na data 1 de xaneiro de 2025, teñan unha idade comprendida entre os 6 e os 12 anos. O total de prazas para ir nas carroza é de 40 nenos e nenas.
O inscrición poderase formalizar nos días 26, 27 e 30 de decembro de 9:00 a 14:00 horas.
A folla de inscrición facilitarase no Teatro Pastor Díaz ou pódese solicitar tamén por correo electrónico no: rbg.cultura@viveiro.es.
Os datos que se deben facilitar son: nome, apelidos e data de nacemento do neno ou nena; nome e apelidos da nai, pai ou representante legal do/a menor, e autorización da participación na cabalgata; teléfonos de contacto; correo electrónico; talla; e unha autorización de uso da imaxe.
A folla cuberta entregarase no teatro Pastor Díaz e a recollida realizarase por orde de recepción das solicitudes debidamente cubertas. A cada unha delas asignaráselle correlativamente o seu número correspondente, pois a concesión das 40 prazas farase por estrita orde de recepción das solicitudes.
Unha vez finalizada a adxudicación, comunicaráselles ás persoas interesadas a súa situación na Cabalgata, así como a información necesaria para que participen nela como o lugar, horario de presentación e horario e forma de recollida ó finalizar.
Unha vez cubertas as prazas dispoñibles, crearase unha listaxe de agarda para cubrir as baixas ou as novas necesidades.
Ademais, dende o Concello se pide que se unha persoa das admitidas, por razóns persoais, non puidera participar na Cabalgata, o comunique ao concello antes do día 4 de xaneiro para que a súa baixa poida ser substituída.
Os participantes terán que acudir o 5 de xaneiro ó punto de encontro con con leggins negros, calzado oscuro e camiseta térmica ou xersei de manga larga tamén negro. O vestiario será facilitado polo concello como préstamo gratuito
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
