A área de Rural distribuirá 192.000 euros ás ganderías beneficiarias do programa Marela!, a maioría nas comarcas de Sarria, Os Ancares, Fonsagrada e Lugo
Lugo, 2 de xaneiro de 2025. 251 ganderías recibirán as axudas do programa Marela! da área de Rural da Vicepresidencia da Deputación de Lugo, enfocado en dar apoio á recría de xatas de Raza Rubia Galega na granxa de nacemento.
A maioría das granxas beneficiarias destas achegas, que oscilan entre os 400 e os 2.400 euros, concéntranse nas comarcas de Sarria -especialmente nos concellos de Láncara, Paradela e Triacastela –, dos Ancares -especialmente nos concellos de Baralla, Cervantes, Pedrafita e Becerreá–, de Lugo – especialmente nos concellos de O Corgo, Friol e Castroverde – e Fonsagrada – nos concellos de Fonsagrada e Baleira -.
As achegas vincúlanse ás femias reprodutoras, cun importe de 400 euros por cada becerra que tivera un parto antes dos dous anos e medio (30 meses), ata un máximo de 6 animais por granxa, e suman un importe total de 192.000 euros, atendéndose todas as solicitudes que cumpriron cos requisitos establecidos nas bases.
O deputado Daniel García valorou “o programa que lanzamos por primeira vez desde a área de Rural para contribuír á promoción da Raza Rubia Galega, cunha convocatoria anual coa que procuramos axilizar os tramites de solicitude e pagamento e á que daremos continuidade tamén este ano, para apoiar o traballo de recría de gandeiras e gandeiros, que manteñen un patrimonio xenético e un sistema de manexo e de alimentación tradicionais”.
Neste sentido, subliñou que “o mantemento desta riqueza gandeira é imprescindible para o desenvolvemento sustentable das áreas rurais e para a fixación de poboación no medio rural, producindo alimentos de calidade”.
A resolución definitiva e completa pode consultarse na web da Deputacíon de Lugo, no apartado de Subvencións de Concorrencia Competitiva da área de Medio Rural e do Mar e no Boletin Oficial da Provincia do 30 de decembro. O programa Marela! dá continuidade á liña plurianual xestionada pola área de Rural entre 2019 e 2023, simplificando o procedemento administrativo e axilizando o trámite e o pago de xeito individualizado a cada gandería beneficiaria.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
