Alfonso Villares resaltou a folla de ruta autonómica que mobilizará máis de 114 M€ ata o 2027 de cuxas medidas tamén se beneficiará a cadea mar-industria en ámbitos como a competitividade e innovación
Santiago de Compostela, 29 de xaneiro de 2025. O conselleiro do Mar, Alfonso Villares, presidiu hoxe en Santiago o Consello Galego de Pesca no que se abordaron os principais desafíos que atravesa o sector e as oportunidades que ofrece a Estratexia da Economía Azul de Galicia (EAG) e o despregue das novas oficinas Es Mar de asesoramento ao sector pesqueiro ao sector pesqueiro co obxectivo de “non deixar escapar un só euro” do Fondo Europeo Marítimo de Pesca e de Acuicultura (Fempa) 2021-2027.
No encontro, que tamén serviu para presentar á nova directora Xeral de Pesca, Acuicultura e Innovación Tecnolóxica, Patricia García, o responsable autonómico destacou que EAG sirve como folla de ruta autonómica que suporá a mobilización de máis de 114 M€ ata o 2027 de cuxas medidas tamén se beneficiará o sector pesqueiro no desenvolvemento de ámbitos como a competitividade, a sostibilidade ou a innovación. Un traballo no que os Grupos de Acción Local do Sector Pesqueiro (Galp), dependentes da Consellería do Mar, xogarán un papel destacado.
Por outra banda, sinalou as novas oficinas Es Mar como unha ferramenta máis posta en mans da pesca galega para conseguir o maior impacto destes fondos europeos, dos cales máis de 366 M€ corresponden a Galicia, neste sector estratéxico. Así, este novo servizo permitirá asesorar aos potenciais beneficiarios en materias como os investimentos amparados por este fondo, sobre o acceso e execución das actuacións financiadas, no ámbito de competitividade empresarial, así como a identificación e proposta de melloras sobre o seguimento, xestión e avaliación e control das axudas.
Tamén, sen sair do ámbito europeo, o titular de Mar avaliou co sector o resultado das negociacións de TAC e cotas celebradas en Bruxelas en decembro que supuxo novos recortes para a pesca galega. Nesta liña, puxo en valor a información aportada polo Goberno galego ao Ministerio co obxectivo de poñer negro sobre branco os efectos socioeconómicos da proposta da Comisión e lamentou a nula capacidade negociadora do Executivo estatal. Tamén compartiu co sector a necesidade de defender a frota artesanal nas institucións comunitarias para que conte cun tratamento diferencial e resaltou as oportunidades que ofrece a Galicia ostentar o grupo de traballo Marítimo e de Pesca da Conferencia de Rexións Periféricas Marítimas (CRPM).
Ataques ao sector
O conselleiro do Mar deu conta das accións postas en marcha pola Consellería do Mar enfocadas á promoción e a mellora da comercialización dos produtos do mar, entre as que destaca a campaña GALICIA SABE AMAR, co obxectivo de reverter a tendencia negativa no consumo destes produtos. Unha política que contrasta coa falta de actuacións por parte do Goberno central, para descontento do sector, e que se suma á proposta de reducir a presenza do peixe na dieta dos escolares ou a reiterada negativa a rebaixar o IVE aos produtos pesqueiros. Alfonso Villares denunciou xunto ao sector que se trata dunha liña de actuación de constantes ataques ao sector.
Apoio ao marisqueo
O titular de Mar puxo en valor o grao de execución do Plan de Competitividade e Sostibilidade do Marisqueo de Galicia 2024-2025 que conta cunha dotación de 123 M€ dos cales xa foron mobilizados 70 M€. Ademais, subliñou o traballo que se está desenvolvendo por parte dos investigadores e persoal técnico nos centros de investigación mariña autonómicos e as universidades galegas para artellar as mellores solucións ante factores como o cambio climático. Unha aposta, dixo, pola ciencia que, se ben non dá resultados inmediatos, si permitirá o deseño de medidas e actuacións que garantan a sostibilidade económica e medioambiental da actividade marisqueira.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
