Nota de Prensa
O GMPP pide maior compromiso do goberno do Estado con Burela.
Fernández Valle e Pernas Chao din que os presupostos de 2009 son mellorables.
Os populares lembran que a nova Capitanía foi xestionada polo equipo de González Barcia.
O GMP afirmou hoxe, a través dunha nota de prensa, que o goberno do Estado pode e debe aumentar o seu compromiso con Burela, xa que os presupostos para 2009 son manifestamente mellorables.
Os concelleiros do PP, Manuel Fernández Valle e Pablo Pernas, consideran que os investimentos do Estado en Burela esquecen dúas obras fundamentais, a millora do entronque da travesía municipal coa N-634 dirección Cervo e reforma do Cuartel da Garda Civil; no que se refire á primeira obra, os concelleiros do PP afirmaron que xa hai un estudio feito pola Demarcación de Carreteras da provincia de Lugo, e ademais o fluxo de tráfico é considerable, co que a obra se vai facendo cada día que pasa máis necesria; no que se refire ó Cuartel, lembran que é un dos últimos acuartelamentos feitos na época de Roldán, e presenta deficiencias que se agravan ano a ano, ademais de lembrar que é a sede da compañía da Garda Civil asentada na Mariña e do destacamento de tráfico
Pero Fernández Valle e Pernas Chao foron máis alá. Consideran que o pleno do Concello de Burela debe posicionarse firmemente demandando unha dotación orzamentaria suficiente para o corredor Barreiros-San Cibrao, de tal xeito que permita abordar inmediatamente estudios e proxectos. Os populares consideran que o BNG fai o ridículo e xa non engana a ninguén decindo na Mariña que hai que axilizar a obra e votando a favor dos presupostos en Madrid, e que o PSOE non tén ningún interese por esta obra. Obra que para os populares é fundamental, porque será vía fundamental de canalización da actividade portuaria de Burela hacia o exterior.
Pablo Pernas e Manuel Fernández lembraron tamén que a xestión do novo edificio de capitanía en Burela foi obra do equipo de González Barcia, xa en 2005, e que pode e debe aumentarse a dotación existente para a construcción do edificio xa en 2009. Consideran que o proceso de cesión da parcela por parte da Xunta ó Goberno do Estado foi extraordinriamente lento, o que vai en detrimento da calidade operativa da Capitanía de Burela.
Por todo o indicado, o PP de Burela vén de presentar unha moción para debatirse no Pleno da Corporación burelesa, na que os acordos que se solicita que se adopten son os seguintes:
1 .- Demandar do Goberno de España a consignación de fondos suficentes en 2009 para facer os estudios pertinentes do corredor Barreiros-San Cibrao.
2 .- O Pleno do Concello de Burela ratifica o acordo plenario adoptado por unanimidade no anterior mandato no que se solicita ó Ministerio de Fomento que o trazado do indicado corredor pase polo sul do Concello.
3 .- Demandar do Goberno de España a inclusión nos presupostos da nación para o ano 2009 as seguintes partidas predeterminadas:
• Acceso oeste a Burela desde a estrada 634: redacción de proxecto e inicio de trámites administrativos.
• Acondicionamento do Cuartel da Garda Civil de Burela: redacción de proxecto e inicio de trámites administrativos.
4.- Demandar do Goberno de España o incremento en 300.000’00€ na consignación para a construcción da nova capitanía marítima de Burela.
5 .- Demandar do Goberno de España a consignación de fondos necesarios nos presupostos de 2009 para a realización de estudios, proxecto, adxudicación e expropiacións do AVE Ferrol-Irún.
6 .- Trasladar os presentes acordos ó Presidente do Goberno, Ministro de Economía, mesas do Congreso e do Senado, e portavoces dos grupos do PP, PSOE e BNG tanto no Congreso dos Deputados coma no Senado.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
