O á destro catalán, de 24 anos, exercitouse onte por primeira vez cos seus novos compañeiros e xa poderá ser aliñado este venres en Pamplona por David Rial
Burela, 4 de febreiro, 2025. O á barcelonés Marc Campàs foi presentado na tarde deste martes como novo xogador do Burela FS. No acto, celebrado no pavillón de Vista Alegre, estivo acompañado polo secretario do club, José Ángel Dovale, quen lle deu a benvida ao futbolista destro de 24 anos que chega procedente do ATP Iluminación Tudelano Ribera Navarra. Firma ata final de tempada e xa estará dispoñible para debutar, se así o considera necesario David Rial, este próximo venres no duelo que disputarán os burelistas en Pamplona diante do Osasuna Magna Xota (Anaitasuna, 19:30 horas).
Criado na canteira do Futsal Mataró, Marc Campàs chegou á estrutura do FC Barcelona con 18 anos, no verán de 2019, para enrolarse no filial barcelonista. Nos seus catro anos no segundo equipo do Barça anotou 49 goles en 85 partidos en 2ª División, destacando nas dúas últimas campañas, onde marcou 20 e 18 goles, respectivamente. Posteriormente fichou polo RSC Anderlecht belga, club co que o pasado curso asinou 15 goles e participou na Rolda Elite da UEFA Futsal Champions League, de onde saltou este pasado verán ao ATP Iluminación Tudelano Ribera Navarra, conxunto co que debutou na Primeira División española anotando un gol nos 13 encontros nos que participou como xogador ribero.
Marc Campàs exercitouse onte por primeira vez cos seus compañeiros e chega ao Burela FS coa intención de reivindicarse, demostrar a súa valía e axudar a lograr a permanencia na máxima categoría. O á catalán aceptou a oferta do conxunto laranxa “porque quero ter a oportunidade de ter máis rodaxe en pista e poder demostrar o meu talento en Primeira División”, sinala. Ademais, considera que en Burela pode atopar o contexto idóneo para asentarse na categoría. “Creo que é un moi bo sitio tanto polo corpo técnico como polo equipo que hai, xa que están todos moi unidos e teñen as ideas moi claras”, expón.
O novo futbolista laranxa espera achegar tanto no plano individual como no colectivo. “A nivel individual quero achegar un xogo máis ofensivo e tentar marcar o maior número de goles posibles para axudar a sacar os tres puntos en cada partido, ademais de crecer como xogador para poder destacar o máximo posible. E colectivamente veño axudar no máximo posible para que o equipo cumpra co seu obxectivo de acadar a permanencia”, afirma. O habilidoso á catalán defínese como un “futbolista moi ofensivo ao que lle gusta encarar, xerar espazos para o ataque e darlle mobilidade ao xogo”, comenta.
Finalmente, Marc Campàs dirixiuse á Familia Laranxa para lanzar unha mensaxe de optimismo. “Que estean tranquilos porque me atopei cun grupo moi unido e imos seguir sacándolles moitos sorrisos en Vista Alegre”, conclúe.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.