A conselleira de Medio Ambiente e Cambio Climático visitou hoxe unha explotación gandeira en Sarria
Sarria, 7 de febreiro de 2025. A conselleira de Medio Ambiente e Cambio Climático, Ángeles Vázquez, instou hoxe ao Goberno central a revisar o nivel de protección do lobo para garantir o equilibrio entre esta especie e o sector gandeiro.
Durante a súa visita a unha explotación gandeira na localidade lucense de Sarria, a conselleira insistiu na necesidade de adaptar o nivel de protección desta especie á realidade de cada territorio. Nese senso, lembrou que os datos do censo elaborado pola Xunta estiman que a poboación desta especie se mantén estable na Comunidade con arredor de 93 mandas, polo que o Goberno galego considera que o estado do lobo non é desfavorable.
Nesa liña, Ángeles Vázquez subliñou que a Unión Europea avala a posición que defende Galicia sobre o estado de conservación desta especie. De feito, o Comité Permanente do Convenio de Berna do Consello de Europa aprobou a proposta para mudar o status internacional do lobo de estritamente protexido a protexido.
Deste xeito, tal e como incidiu a conselleira, a decisión do Goberno central de incluír o lobo na Listaxe de especies silvestres de réxime de protección especial (Lesrpe) responde unicamente a criterios culturais e razóns ideolóxicas, pero non a aspectos obxectivos nin ao seu estado favorable ao norte do río Douro.
Ademais, a conselleira fixo fincapé en que desde a inclusión do lobo no Lesrpe, en setembro de 2021, en Galicia os avisos por ataques incrementáronse nun 72% e o número de reses afectadas sufriu un aumento dun 57%, o que provoca que algunhas explotacións xa sexan inviables desde o punto de vista económico.
A maiores, a conselleira lamentou que a ministra para a Transición Ecolóxica e para o Reto Demográfico, Sara Aagesen, rexeitase onte mesmo manter unha reunión sobre esta cuestión, tal e como se solicitara nunha carta enviada o pasado decembro, e derivase ese encontro ao secretario de Estado de Medio Ambiente, Hugo Morán.
Apoio ao sector gandeiro
Cómpre lembrar que o Goberno galego leva anos apoiando ao sector gandeiro coa convocatoria de axudas para paliar as consecuencias dos ataques do lobo e para implementar medidas preventivas.
Máis polo miúdo, este ano 2025 convocou tres ordes de axudas por un importe total de 2,5 millóns de euros para a adquisición e mantemento de cans protectores, pastores eléctricos e cerrumes móbiles de malla electrificada (1,5 M€); para a instalación de valados fixos (400.000 euros) e para subvencionar os custos derivados da contratación de persoas coidadoras do gando (preto de 600.000 euros).
Os orzamentos autonómicos para este ano inclúen tamén unha partida de máis de 900.000 euros -un 49% máis que en 2024- para paliar os danos ocasionados polo lobo. Ademais, nesta convocatoria as axudas increméntanse nun 10% polo que oscilarán entre os 41 euros a percibir por un exemplar de gando ovino ou vacún ata os preto de 2.900 euros por unha vaca autóctona de entre dous e seis anos de idade.
De feito, a explotación gandeira que hoxe visitou Ángeles Vázquez en Sarria, recibiu axudas para paliar danos por máis de 1.500 euros e presentou solicitudes para as liñas de financiamento destinadas á implantación de medidas preventivas.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
