O senador mariñán do PP aclara que “o tramo Barreiros-O Carme da autovía A-74 xa estivo a exposición pública no 2018 co Goberno de Rajoy”
A Mariña, 7 de febreiro de 2025. O senador mariñán do Partido Popular, José Manuel Balseiro, aclara que “o tramo Barreiros – O Carme da autovía A-74 que sae a exposición pública, xa estivo a exposición pública no 2018 co Goberno de Rajoy. O Goberno socialista de Pedro Sánchez dá pasos atrás. Non avanzou nada nestes sete anos: 0 euros en proxectos, 0 kms en obras e 0 kms executados”, afirma.
O propio Executivo recoñece na súa resposta oficial ante as preguntas dos senadores lucenses -José Manuel Balseiro, José Manuel Barreiro e Juan Serrano- que o proxecto estaba “en redacción para someter a unha nova información pública”.
Balseiro censura que “o Goberno de Sánchez dese a entender que había certo movemento en relación á autovía da Mariña” e lembra que “nin sequera foron capaces de executar os 4M€ que deixaba presupostados o Goberno do Partido Popular no 2018”.
Sobre o tramo O Carme – Foz (5,3 km), o Executivo explica que está o “proxecto en redacción”. En relación ao tramo Foz-Burela (9,1 km) que tamén saíra a exposición pública no 2021 aseguran que o “proxecto en redacción” e para o tramo Burela – San Cibrao (13,9 km) “estase analizando a actuación a acometer”. É dicir, “aínda está sen determinar que se vai a facer no 45% do trazado da autovía A-74”, segundo explica o senador popular.
Os senadores do PP lucense teñen rexistrada unha iniciativa na Cámara Alta para esixir ao Goberno de Sánchez que “comecen no ano 2025 as obras en tódolos tramos da autovía A-74” e que “dote de presuposto suficiente para que así sexa”. Balseiro explica que “o Partido Socialista que tanto di facer e o BNG que apoia ao Goberno de Sánchez en Madrid van ter a oportunidade de posicionarse e apoiar esta iniciativa”.
O senador popular pide que “o Goberno de Sánchez se poña a traballar e a facer esta autovía tan necesaria para unha das comarcas máis puxantes de Galicia e a máis puxante da provincia de Lugo”.
A REIVINDICACIÓN LOCAL: AXILIZACIÓN E AVANCES
Os portavoces do PP de Foz e Barreiros, Javier Castiñeira e José Manuel Gómez Puente, coinciden en cualificar de “perdidos” para a autovía A-74 estes sete anos de Goberno de Pedro Sánchez.
Castiñeira explica que “dende o PP de Foz vemos neste anuncio do Goberno unha volta ao ano 2018” porque “seguimos con exposicións públicas, pero sen avanzarse nada na súa construción. O que falta é vontade de facer as cousas. Os veciños e veciñas de Foz xa non confían nas promesas do Goberno socialista de Pedro Sánchez”.
Gómez Puente entende que “os veciños e veciñas de Barreiros se sintan molestos” e incide na necesidade de “axilizar os trámites” para acometer esta “infraestrutura importante para os veciños e veciñas da comarca da Mariña e de Lugo”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
