Partidazo no Anaitasuna con dobrete de Juninho e moito carácter por parte dun desafiante Burela que non puntuou pero que soubo competir
Burela, 7 de febreiro, 2025. O conxunto masculino do Burela FS abre con forza o inicio desta segunda volta, aínda que non consegue sumar por cuarta vez consecutiva fóra da casa nesta ocasión, os mariñáns mereceron máis tras un partido no que competiron con carácter, con moita posesión de balón, moitas ocasións, moito traballo e moito “equipo”. Emocionante primeiro partido da segunda volta, que se celebrou no pavillón Anaitasuna ás 19.30h desta tarde cun resultado final 3-2.
Primeira parte con 10 minutos para o conxunto local e 10 para os burelenses, conseguindo irse ao descanso con empate tras dominar o partido con moita contundencia durante esta segunda parte da primeira metade. Anota o primeiro tanto Pachu no minuto 3, cun disparo cruzado no bordo da área tras unha recuperación e pase de Ligeiro. Sucédense as ocasións por parte de ambos os equipos cun Xota máis ofensivo nos primeiros minutos e un Burela que mantén a defensa, pero cambia o rumbo do partido e aumentan as opcións dos mariñáns, que buscan o gol con varias ocasións frustradas por Asier Llamas, como un disparo de Araya no minuto 10 tras unha bonita parede con Alberto. Chega o empate no minuto 14 cun golazo de Juninho nunha boa xogada con porteiro que remata cun coidado pase cruzado de Charly e o trallazo do brasileiro que fusila a portería rival. Outra ocasión clarísima de Charly no 19 que saca coas mans Asier, un disparo cruzado nunha boa transición e combinación con Araya. Moita posesión do conxunto de David Rial nos próximos minutos ata o descanso, que acaba dominando o partido e case non deixando tocar o balón ao conxunto local nos últimos minutos deste primeiro tempo.
Arrinca a segunda parte de forma similar á primeira, dominio do Osasuna Magna que aperta a un Burela que salva bastantes situacións de perigo, menos unha; chega o segundo no minuto 22 cun disparo desde a área de Korsun nun erro de saída do Burela que perde o balón preto da área. Pau de Pitero no minuto 26 tras un pase longo milimétrico de Michal e outra ocasión clarísima no 28 con outro pau de Pitero nunha boa combinación con Alberto e Isma. Salva Kaluza un disparo directo potentísimo de Juninho nunha falta moi perigosa, a segunda do Buela. Iguálase o partido nesta segunda parte, con ocasións claras por parte de ambos os conxuntos. Chega o empate no minuto 37 cun gol de Juninho que vence a Asier baixo os paus da portería rival despois de recibir un impecable pase de Alberto. Pero presiona o conxunto de Miguel Hernández con xogo de 5 con Korsun de porteiro-xogador que consegue anotar na primeira xogada e adiantar de novo o marcador. Responde David Rial tamén con xogo de 5 pero remátase o encontro sen conseguir empatar de novo o partido, non sen tentalo con dúas ocasións nas dúas xogadas con Isma de porteiro-xogador.
Non puido ser nesta ocasión aínda que o Burela mantén a súa novena praza na táboa a espensas do que ocorra mañá co Córdoba Patrimonio da Humanidad que, a dous puntos dos nosos Pícaros, xogarase ese noveno posto mañá ante o Ribera Navarra na casa. Mesmo rival que visitará o vindeiro sábado Vista Alegre, nunha nova loita por esta novena posición na táboa, nun partido que se celebrará á 13.00h e que será o primeiro dunha Tarde Laranxa na que as nosas Pícaras se enfrontarán ao Ourense Ontime ás 18.45h.
Ficha Técnica CA Osasuna Magna 3-2 CD Burela FS
CA Osasuna Magna (3): Asier Llamas; Toni Escribano, Ion Cerviño, Pachu, Ligeiro -quinteto inicial-, Andrés Geraghty, Roberto Martil (C), Dani Saldise, Juninho, Josu Mendive, Korsun, Kokoro. Entrenador: Miguel Hernández.
CD Burela FS (2): Kaluza; Araya, Rikelme, Isma (C), Alberto -quinteto inicial-, Charly, Juninho, Pitero, Quelle, Marc Campàs. Entrenador: David Rial.
Goles: 1-0, min. 3: Pachu. 1-1, min. 14: Juninho. 2-1, min. 22: Korsun. 2-2, min. 37: Juninho. 3-2, min.38: Korsun.
Árbitros: Navarro Rodríguez-Villanueva, Sarabia Eguiluz, Urdánoz Apezteguía, Alfaro Marquina.
TA: Por parte del Xota, Toni Escribano, Ion Cerviño, Andrés Geraghty, Jesús María Sanguesa San Miguel, Asier Llamas e Pachu. Ninguna por parte del Burela.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
