Ribadeo, 18 de febreiro de 2025. Todo está listo para a celebración das xornadas gastronómicas do Antroido de Ribadeo, que terán lugar do 22 de febreiro o 9 de marzo.
Están organizadas pola Asociación de Comerciantes, Industriais, Servizos e Autónomos de Ribadeo (ACISA) e contan coa participación de 17 establecementos hostaleiros.
A presidenta do colectivo empresarial ribadense, Carmen Cruzado, sinalou que “desde Acisa decidimos apostar, como unha das novidades deste ano, polas xornadas gastronómicas do Antroido de Ribadeo, que se van celebrar do 22 de febreiro ao 9 de marzo, como actividade dinamizadora da nosa hostalería. Con esta iniciativa queremos render homenaxe á gastronomía típica destas datas, que en Ribadeo é tradición celebrar con ceas ou xantares de grupos de amigos e de familias saboreando un bo cocido”.
O xerente de Acisa, Jesús Pérez, dixo que “nesta ocasión son 17 os locais participantes, que ofrecerán tapas, racións e menús con preparacións típicas da gastronomía do Antroido. As diferentes propostas gastronómicas poderán atoparse nos seguintes establecementos hostaleiros: O Indiano, Cayo Coco, A Bugalla, La Solana, O Lar de Manolo, Costa Verde, Mareta, San Miguel, El Rincón del Gordo, Barallocas, O Lar de Carmiña, Ribanzo, Ramonita, Aware Cakes, O Furancho no Camiño, O Cabazo e Marinero”.
Pérez Prada explicou que “todas as elaboracións poderán consultarse nas redes sociais de Acisa. As propostas van dende cocidos completos, tapas ou racións de orella ou de lacón ata doces como filloas, orellas ou rosquiñas”.
Cruzado Iglesias subliñou que “estas xornadas xorden para completar a programación do Antroido ribadense, dar unha oferta mais á nosa veciñanza e aos visitantes para que así gocen nestas datas de todas as propostas salgadas e doces que atoparán na hostalería local”.
Na presentación das xornadas gastronómicas do Entroido participaron o alcalde de Ribadeo, Dani Vega, a concelleira de Comercio e Turismo, Marta Saiz, a presidenta da comisión do Entroido, Mª José Arca, a presidenta de Acisa, Carmen Cruzado, e o xerente do colectivo empresarial ribadense, Jesús Pérez.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
