O Pazo de San Marcos acolleu este mércores a presentación desta Festa de Interese Turístico de Galicia para a cal a institución provincial realiza unha achega económica de máis de 30.000€, nunha edición na que está previsto que o volume de ventas deste produto cárnico alcance os 20.000 quilos
Lugo, 19 de febreiro de 2025. O Deputado de Promoción Económica e Social, Pablo Rivera Capón, xunto ao Alcalde da Fonsagrada e Deputado de Medio Ambiente, Carlos López López, e o Concelleiro de Cultura fonsagradino, Ricardo Parada Mariñas, presentou este mércores na Sala de Xuntas do Pazo de San Marcos a XXVII edición da Feira do Butelo, que terá lugar o 22 e 23 de febreiro neste municipio montañés.
A institución provincial realiza unha achega económica de máis de 30.000€ para a celebración desta cita gastronómica, declarada Festa de Interese Turístico de Galicia no 2018, e que cada ano congrega a miles de persoas. Nesta ocasión, participarán preto de 70 postos de alimentación e artesanía e está previsto que o volume de ventas deste produto cárnico alcance os 20.000 quilos.
Rivera Capón destacou que “a Feira do Butelo é un auténtico símbolo de identidade da montaña lucense, o que demostra que se trata dun evento completamente asentado no calendario de celebracións da provincia”. Así mesmo, sobre a aportación económica que mantén a institución provincial para a realización desta cita, resaltou que “somos conscientes da importancia que ten a gastronomía para o desenvolvemento económico e turístico da provincia”.
Nesta liña, sinalou que “ademais, desde a Deputación de Lugo tratamos de impulsar a promoción dos produtos locais e por iso, seguiremos colaborando con citas coma esta que xeran un importante retorno económico, ao tempo que poñen en valor o rural da nosa provincia”. Pablo Rivera definiu como “excepcional” a riqueza culinaria da “nosa terra” e resaltou que “se hai un produto que representa á perfección a esencia da montaña lucense, ese é, sen dúbida, o butelo, coñecido popularmente como o rei da montaña e que simboliza a tradición gastronómica vencellada á provincia de Lugo”.
O Deputado rematou a súa intervención convidando a todos os veciños e veciñas da provincia a achegarse a Fonsagrada esta fin de semana para “desfrutar dun dos eventos máis importantes da provincia” e avanzou que “ademais, é a oportunidade perfecta para degustar un dos grandes tesouros gastronómicos que temos na nosa provincia e desfrutar tamén de todos os encantos que podemos atopar na montaña lucense”.
Pola súa banda, Carlos López agradeceu o apoio da institución provincial e avanzou que “este ano reciben o Butelo de Ouro o primeiro director do instituto da municipio, Álvaro Touza, e o que foi o primeiro alcalde da democracia neste municipio, o sacerdote Antonio López”.
Programa da Feira do Butelo 2025
A programación arrincará o sábado ás 10:00 horas coa apertura da carpa, que estará situada na Praza do Concello e permanecerá aberta ata ás 20:00 horas. Ás 12:00 horas terá lugar a inauguración oficial a cargo das autoridades, que posteriormente realizarán unha visita aos postos de alimentación e artesanía participantes.
A Feira continuará o domingo ás 12:00 horas coa entrega do Butelo de Ouro no Salón de Plenos da Casa Consistorial; ás 13:00 horas actuará o grupo tradicional Illa Pancha e ás 14:00 horas Antaruxas e Sorteiros.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
