Estamos comprometidos en continuar este proxecto ata 2025, asegurando a conservación da Serra do Xistral”, destacou o Presidente, quen engadiu, que “o Life é un exemplo das políticas da institución provincial para apoiar o rural, co sector primario e o turismo sostible como motor de futuro para a provincia”
Lugo, 20 defebreiro de 2025. O Presidente da Deputación de Lugo, José Tomé Roca, recibiueste xoves no Pazo de San Marcos a Sara Barceló, representante da Comisión Europea e do órgano ELMEN que se encarga da avaliación dos proxectos europeos LIFE. A visita ten como obxectivo comprobar in situ o impacto do Life in Common Land na Serra do Xistral, un programa medioambiental liderado pola Deputación de Lugo e que a Comisión Europea vén de elixir como exemplo a seguir pola súa boa xestión e resultados na conservación ambiental.
José Tomé Roca valorou este recoñecemento e subliñou a continuidade do proxecto co Plan After Life, que se extenderá ata este 2025. “Este recoñecemento é froito dun traballo conxunto e colaborativo que une institucións públicas, as comunidades locais e os investigadores. “Estamos comprometidos en continuar este proxecto ata 2025, asegurando a conservación da Serra do Xistral para as futuras xeracións”. Lembrou tamén que “o Life é un exemplo das políticas da Deputación para apoiar o rural, co sector primario e o turismo sostible como motor de futuro para a provincia”, afirmou o mandatario provincial.
O proxecto Life in Common Land, desenvolvido entre 2017 e 2022, buscou a mellora e conservación dos ecosistemas da Serra do Xistral, con especial atención aos brezais húmidos e turbeiras. A iniciativa destacou pola implementación dun innovador sistema de pagamentos compensatorios por resultados de conservación, que permitiu a conciliación das actividades tradicionais, como a gandería e a silvicultura, coa preservación ambiental.
A visita de Sara Barceló tamén inclúe un percorrido polos espazos de actuación do proxecto na Serra do Xistral, onde se poderá comprobar no territorio a mellora das infraestruturas e a recuperación dos ecosistemas. Life in Common Land foi elixido pola Comisión Europea como exemplo de boas prácticas en conservación e xestión ambiental, grazas á colaboración entre institucións, as comunidades locais e a veciñanza.
Ao remate do encontro, José Tomé agasallou a Sara Barceló cun exemplar do libro Proxectos para o Hospital de Isabel II, o Instituto de 2ª Ensinanza e a Deputación Provincial de Lugo, en recordo da súa visita ao edificio provincial.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
