Con esta colaboración a Deputación tamén contribúe a promocionar A Mariña e Foz, xa que o municipio mariñán é un referente en España para Escolas de Hostalería e expertos do mundo do café
Lugo, 20 de febreiro de 2025. A Deputación de Lugo colabora un ano máis co IES de Foz na difusión dos Campionatos Internacionais de Baristas, que comezaron este mércores e rematarán mañá venres coa competición dos baristas profesionais. O alumnado de 2º de Realización do Centro de Formación Audiovisual da institución provincial é o encargado de emitir en directo, a través da canle de YouTube do Servizo de Audiovisuais, os tres días de probas.
A Deputada de Economía, Carmela López, e o Alcalde de Foz e Deputado de Recursos Sostibles, Francisco Cajoto, participaron este xoves na entrega de premios do XVII Concurso Internacional de Baristas de Escolas de Hostalería, no que participaron 19 centros de España e Portugal. Izaro Garro, do CIFP Gamarra de Vitoria- Gasteiz, foi a gañadora desta edición. En segunda posición quedou Paula Álvarez, do CIFP Vilamarín de Ourense, e en terceiro lugar, Ángela Roque, do IES Sanxillao de Lugo.
Como nun programa de televisión en directo
Unha ducia de alumnos e alumnas de 2º de Realización do Centro de Formación Audiovisual da Deputación, acompañados por docentes e técnicos do Servizo de Audiovisuais, son os encargados da emisión en directo das tres xornadas dos Campionatos dentro da súa formación práctica en escenarios reais. Empregan varias cámaras e todo o material preciso na realización dun programa de televisión en directo. Cada estudante rota por todos os postos, como os de realización ou operador de cámara. Ademais, son os responsables do son e dos rótulos, entre outras tarefas.
Campionato de Baristas Profesionais en directo mañá
Mañá venres o alumando da Deputación encargarase do streaming, a partir das 9:00 horas, do X Campionato Internacional de Baristas Profesionais. Desta volta competirán oito baristas profesionais, aos que tamén se sumará a gañadora de hoxe na proba de Escolas de Hostalería.
Ademais da formación práctica e da difusión dos campionatos, con estas retransmisións a Deputación contribúe a promocionar A Mariña e Foz fóra de Galicia, xa que o municipio mariñán é un punto de referencia para Escolas de Hostalería, estudantes, profesionais e expertos do mundo café, e estas competicións suscitan moito interese entre este colectivo.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
