Os populares advertiron en rolda de prensa que “o Goberno de Sánchez borra a Lugo do mapa do Corredor Atlántico para o horizonte 2030” tras analizar o Plan Director presentado recentemente polo Ministerio
Lugo, 21 de febreiro de 2025. O PP traslada a súa preocupación pola “desaparición de Lugo do mapa do Corredor Atlántico para o horizonte 2030” tras analizar o Plan Director para Galicia presentado recentemente polo Ministerio de Transportes e Mobilidade Sostible. Así, anuncian unha ofensiva en distintas institucións para reclamar ao Goberno de España un novo Plan Director do Corredor Atlántico para evitar o illamento da provincia de Lugo garantindo a conexión coa alta velocidade e investimentos en infraestruturas.
Os populares presentaron esta iniciativa que se debaterá o vindeiro martes no Pleno da Deputación de Lugo nunha rolda de prensa na que participaron a presidenta e voceira do PP en Lugo, Elena Candia, o portavoz do Grupo Provincial, Antonio Ameijide, deputados provinciais, autonómicos, nacionais e senadores da provincia.
A presidenta e voceira municipal do PP de Lugo sinalou que “a nosa reivindicación adquire moita máis importancia despois de que esta mañá o Delegado do Goberno dixera que o Goberno converterá a Galicia no polo da nova mobilidade do noroeste ao lado da alcaldesa e do presidente da Deputación sendo coñecedores de que o Plan Director borra a Lugo do mapa”. Candia pediulles que “rectifiquen de ser cómplices do abandono” e que “que, por primeira vez, antepoñan Lugo aos intereses do proxecto político no que militan”.
Ameijide explicou que o Corredor Atlántico é unha das dúas infraestruturas multimodais na península de servizo de viaxeiros e mercancías, xunto ao Corredor do Mediterráneo, que forman parte dos 9 corredores da rede única europea, “estratéxica para o desenvolvemento loxístico e a conexión de nós urbanos”. E condenou que “nin sequera sae o nome de Lugo no mapa”. É máis, “é a única provincia do entorno que queda fóra de todo”.
O portavoz do Grupo Provincial Popular e coordinador de infraestruturas do PPdeG, Antonio Ameijide, asegura que “xa sabiamos que Lugo non forma parte dos plans de Sánchez” e incidiu en que “este abandono supón que quedemos descolgados da conectividade e do desenvolvemento económico” porque “no futuro da mobilidade e das mercancías, Lugo non está”.
Ameijide lembra que “Lugo ten unha estación sen trens” e que “Lugo queda fóra da alta velocidade. O trazado actual da liña Ourense – Lugo non permite alcanzar os 160 km/h de media establecidos para os trens de viaxeiros, senón que esa é a velocidade máxima punta en escasos tramos da rede na provincia” e o Goberno de España non contempla a execución das variantes de Os Peares-Canabal nin Rubián, imprescindibles para reducir os tempos de viaxe.
Ademais, censura que “o Goberno de Sánchez non considere as vías e liñas que comunican Lugo coas provincias do entorno rede básica nin prioritaria e, polo tanto, non contempla ningunha actuación no horizonte do 2030. A liña entre Monforte – Ferrol / A Coruña inclúese na rede global para a que non están previsto melloras ata o horizonte do 2050”.
O popular explica que o Executivo de Sánchez só contempla, en materia ferroviaria, “a supresión de pasos a nivel na liña Monforte-Ferrol / A Coruña. Nada para a modernización da liña, nin para a dobre vía nin para a instalación do sistema ERTMS do que queda fóra ata 2040. E, canto ao anuncio sobre o estudo da conexión de Lugo con Santiago, advirte que “é un globo sonda. Fan o anuncio, pero non contemplan investimentos no Plan Director”.
En materia de comunicacións por estrada, advirte que “quedan fóra da planificación de investimentos a A-56 que permitiría conectar Lugo con Ourense por autovía (os usuarios teñen que empregar a alternativa, a LU-540, en pésimo estado) ou a A-74 (a autovía da Mariña para a que recentemente saía a exposición pública o primeiro tramo por segunda vez en sete anos) e a A-76 Ponferrada-Monforte-Ourense”. E, á falta de impulso das novas autovías, hai que engadir “a inexistencia dun programa de mantemento das estradas xa existentes”.
O portavoz provincial puxo como exemplo “do pouco que lle importa a provincia de Lugo ao Goberno de Sánchez” a cantidade “ínfima” de investimento entre 2018 e 2023 (394,3M€) con respecto ao total dos 5.373M€ na rede ferroviaria de Galicia: un 7,34%.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
