Ribadeo, 22 de febreiro de 2025. Ribadeo impulsa o polígono industrial grazas á rebaixa do 35% no prezo do solo. O alcalde, Dani Vega, considera que se trata dun importante salto cualitativo e cuantitativo.
O rexedor manifestou que “despois de moitas xestións Sepes escoitou a proposta do Concello de Ribadeo, escoitou unha proposta positiva, que ten unha clara vocación, que é dinamizar e impulsar o noso polígono industrial. Ata o de agora somos conscientes que temos un polígono, pero non industrial. Temos que dar un salto cualitativo no referente a unha baixada de prezo. E por iso a proposta que lle trasladou o Concello era certamente un pouco más ambiciosa, pero temos que destacar que esa baixada do 35% do custe da parcela é significativa e importante”.
Vega dixo que “despois de moitos anos, despois de moito analizar, pero nunca concretar esa baixada en serio do prezo do solo industrial, temos que dar esa boa nova de que o polígono industrial de Ribadeo comeza, o polígono industrial de Ribadeo dá un impulso. É un salto cualitativo e evidentemente cuantitativo no referente a que vai ser un polígono industrial cunha vocación de asentamento de empresa”.
O alcalde ribadense considera que “este é o camiño. Creo que hai que destacar a boa disposición nestes últimos meses de Sepes. Agradézolle tanto a directora, cando nos trasladamos a Madrid e lle propuxemos que baixara o prezo do solo para ser un polígono industrial competitivo, para ser un polígono industrial que chame a todas as empresas, porque evidentemente Ribadeo ten que dinamizar a súa economía, diversificar o seu poder económico e polo tanto creo que Ribadeo deu un salto moi importante”.
Dani Vega indicou que “o prezo do solo industrial era outro dos problemas que tiñamos en Ribadeo historicamente. Parece que vamos abrindo follas novas na reivindicación e no traballo dando froitos positivos como é o polígono industrial”.
O rexedor subliñou que “esa rebaixa do solo do 35% é un dato moi importante, é poñer a Ribadeo dentro da estratexia económica de moitas empresas que buscan solo industrial e hoxe xa se lles abren as portas aquí en Ribadeo. Polo tanto, agradecemento a Sepes e a todas as persoas que representan a Sepes polo seu traballo conxunto con este Concello e agora a traballar xuntos na información, na maneira de impulsar conxuntamente o polígono industrial e tamén ter unha estratexia de comercialización conxunta”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
