Ribadeo, 12 de marzo de 2025. Ribadeo recibe 300.000 euros de fondos europeos destinados ao proxecto de expropiación para o incremento da superficie e mellora da conectividade do hábitat no litoral. O alcalde, Dani Vega, destaca a importancia deste investimento e as xestións realizadas para conseguilo.
O rexedor explica que “na comisión celebrada na tarde de onte, aprobamos un proxecto de expropiación para o incremento da superficie e mellora da conectividade do hábitat no litoral do noso concello. Vamos actuar no entorno da praia das Catedrais, isto é conservar o espazo natural, seguir conservando todo un monumento natural como é na praia das Catedrais e polo tanto damos outro avance”.
Vega dixo: “Con qué orzamento? Cun proxecto europeo que solicitamos e foi aprobado preto de 300.000 euros para expropiar e tamén coidar todo ese espazo. Do mantemento durante os próximos anos vaise encargar o Goberno do Estado. E a nosoutros parécemos que o importante tamén é esa colaboración institucional entre as administracións e que nos dean cartos, a través dos fondos europeos, para expropiar e que o Goberno do Estado conserve todo este espazo é moi importante. O Consello non pon nin un euro, aforramos fondos propios grazas a axuda neste caso do Goberno do Estado”.
Para Dani Vega “trátase dun paso importante e así os datos o din, convértennos no Concello que máis fondos europeos xestionou neste ano e oito meses. Na praia das Catedrais, no entorno da praia tamén de Esteiro, en Illas e tamén no entorno da ría de Ribadeo. Isto é un dato importantísimo, acredita a gran xestión do Concello, que busca e xestiona orzamentos de distintas administracións, neste caso dos fondos europeos, para investir e así avanzar”.
O alcalde ribadense considera “unha boa noticia, unha gran noticia deste proxecto da praia das Catedrais, da conservación, da mellora da conectividade do hábitat que hai nese areal. Seguimos traballando, seguimos investindo dentro tamén das melloras que tivo a praia das Catedrais grazas á colaboración da Xunta de Galicia: os accesos de entrada, o aparcamento, tamén todo o muro de pedra e esa conservación, a zona que se limitou. Polo tanto, toda esa inversión tamén de preto de 70.000 euros foi outra partida que se xestionou e que o Concello non tivo que poñer ningún euro. Iso é o traballo, esa é a vocación que ten este Concello, de que non poña orzamentos propios e que se xestione, que se busque o máximo orzamento noutras administracións”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
