Ribadeo, 18 de marzo de 2025. Ribadeo celebra hoxe un pleno ordinario ás 20 horas cargado de investimentos, que suman 10 millóns de euros.
O alcalde, Dani Vega, contou que “hoxe celebramos un pleno municipal onde vamos abordar cuestións coma o abastecemento da auga, 8,5 millóns de euros. A Xunta de Galicia vai aportar 7,5 e desde logo é un paso importante, o paso definitivo para xa licitar a obra. Aprobamos definitivamente o proxecto de obra, e creo que é de salientar que durante todo este período o que se estivo foi facendo un traballo fundamental de xestión, tamén de redacción do proxecto e de análise por parte da comisión da auga. É unha boa noticia a aprobación definitiva do proxecto de auga de 8,5 millóns de euros, poñerlle solución a un tema que levábamos moitos anos reivindicando e falando, pero ninguén concretou ese orzamento, e polo tanto agradecerlle á Xunta e aos técnicos municipais por este traballo fundamental para mellorar toda a rede de abastecemento da auga de Ribadeo”.
O rexedor seguiu a relatar: “tamén levamos ao pleno a aprobación do convenio de execución das obras da rúa Buenos Aires, a renovación por completo dunha rúa que leva moitos anos abandonada. E desde logo nós consideramos que hai que acometer esa renovación por completo: o pavimento, pero tamén todo o que hai por debaixo, é dicir separar as pluviais, as fecais, unha rede eléctrica nova, todo soterrado. Creo que estamos facendo as cosas con moito rigor e sentido”.
Outro dos asuntos que se abordarán no pleno ordinario de hoxe é a aprobación do Plan Único da Deputación: “370.000 euros, que vamos investir na rede de infraestruturas das nosas parroquias. O proxecto tamén de ampliar e mellorar a conectividade de toda esa rede medioambiental que debemos conservar do espazo natural da praia das Catedrais. Eses fondos europeos de 270.000 euros, onde nos converte no Concello que mais fondos europeos xestionou. Tamén agora a aprobación definitiva no pleno municipal e o seguinte paso xa irá ao Consello da Xunta a aprobación do escudo e da bandeira de Ribadeo”.
Vega explicou que “a modificación da ordenanza sobre o uso especial de vías públicas municipais. Para que nos entenda todo o mundo a nova ordenanza forestal tan importante, tan fundamental e neste caso o que damos é un paso importantísimo. Somos un Concello referente nesta ordenanza, unha ordenanza pragmática, que se cumpre perfectamente, que é concreta, xa que se non cumpres na conservación das nosas pistas por parte das empresas forestais, pois aplicaranse sancións duras, pero sancións que o que queren é coidar, velar polo interese xeral de todos, é dicir por conservar as nosas pistas forestais. E dámonos conta que o sector forestal, e agora temos destas días datos importantes da facturación, do impacto económico, pero debe haber unha regulación para que se poidan conservar as pistas forestais”.
O alcalde engadiu: “e aprobaremos tamén varias modificacións da RPT e do Plan Estratéxico de Subvencións. O de hoxe é un pleno cargado, un pleno que en orzamento suma 10 millóns de euros da achega da Xunta de Galicia e da Deputación. Polo tanto, o que se concreta é un pleno onde hai unha xestión, onde hai un traballo continuo para seguir avanzando”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
