É certo que ó Bng de Ribadeo sempre lle gustou ese puntiño de protagonismo, incluso, poderíamos dicir de ego desmedido dos seus dirixentes. Na actualidade, un partido que cada día que pasa demostra ter menos criterio, un partido perdido, confuso, teatreiro… que o único que aporta a Ribadeo son insultos constantes e descualificacións, e dende logo, máis preocupado por criticar todo que en propoñer e traballar polo noso pobo. ¿Non se darán conta que con esta actitude de crítica sistemática, o que realmente fan é auto criticarse? ¿Ou é que de repente se puxo todo mal en pouco máis dun ano? Nós agradecemos moito que por fin recoñezan o abandono de anos… mágoa que non se deran conta nos anos do seu mandato que canto teríamos adiantado nestes momentos.
¿Qué terá que dicir o Bng do Parque dos Indianos? Pero se non hai máis que ver as condicións nas que se atopa!!As pérgolas, o pavimento, os bancos, a fonte que converteron en charca que ata o rego lle arrancaron!! ¿Cántos anos levan os veciños demandando o arranxo das aceras daquela zona?.
¿A quén pretenden enganar? ¿Con qué cara veñen reclamando agora? Pero si xa non enganan a ninguén! Por crer, xa non os cren nin os compañeiros de partido… ¿Con qué cara veñen agora esixindo si levamos o que vai de lexislatura arranxando o que o Bng deixou caer, todo o que o Bng deixou abandonado!.
Nós solicitamos dous convenios. Un para o parque de San Miguel, para rematar o seu arranxo e o peche perimetral que boa falta lle facía e tamén para arranxar a rúa Illa Pancha, que está absolutamente destrozada (debeu destrozarse no último ano), e outro para o Parque Indiano, que á vista está as condicións nas que se atopa (tamén se debeu poñer así no último ano). ¿Pero de verdade pensarán que enganan a alguén? Cando chegou o convenio e vimos que o Concello tiña que poñer o 20%, non estivemos de acordo e xestionamos para chegar ó 100% e xa o temos. ¿Cál é o problema? ¿A qué se dedican? Viviron tantos anos do relato da pena que pensan que poden seguir vivindo… Non se dan conta que esa época xa rematou, dar pena xa non funciona. Os veciños o que esperan de todos nós é traballo e resultados. Si se dedicaran a propoñer e a xestionar inversión coa mesma teima coa que se dedican a criticar por criticar, a poñer paus nas rodas e a mediar para evitar inversión, canto mellor lles iría.
En fin, como sempre dicimos, nós ó noso, traballando arreo por e para Ribadeo e tanto ribadenses como visitantes non tardaremos en ver recuperado o tan demandado Parque dos Indianos.
Grupo Municipal Popular de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
