Navia, 28 de marzo de 2025. Hoxe venres tivo lugar en Navia (Asturias) a firma do Convenio marco para o impulso da Gran Senda do Navia a cargo das administracións locais concernidas no anteproxecto do seu trazado. O convenio será asinado por un total de 16 Concellos, dos cales 7 pertencen á Comunidade Autónoma de Galicia (provincia de Lugo) e 9 á Comunidade Autónoma do Principado de Asturias.
Este convenio ten por obxecto contribuír á dinamización do territorio interautonómico concernido polo itinerario da “Gran Senda do Navia”, itinerario adscrito á conca hidrográfica do Navia entre o nacemento no municipio lucense de Pedrafita do Cebreiro e a súa desembocadura entre os municipios asturianos de Coaña e Navia.
As 16 administracións locais, representadas polas súas respectivas alcaldías, corresponden ás de Allande, Becerreá, Boal, Cervantes, Coaña, A Fonsagrada, Grandas de Salime, Ibias, Illano, Navia, Navia de Suarna, Negueira de Muñíz, As Nogais, Pedrafita do Cebreiro, Pesoz e Villayón. Conforme ao texto do convenio, a representación do conxunto das mesmas virá dada por catro delas, en concreto dous correspondentes a Galicia (Navia de Suarna e As Nogais) e outras dúas correspondentes a Asturias (Grandas de Salime e Villayón).
Entre os labores expresados atópanse a interlocución coas Administracións Autonómicas da Xunta de Galicia e do Principado de Asturias, xunto cos Ministerios do Goberno Central que para o efecto corresponda, así como ante calquera outra administración, entidade ou organismo que poida ser conveniente para o futuro desta Senda.
O Convenio, de duración indefinida e renovable conforme aos procesos electorais que ocorran durante a súa vixencia, contempla a celebración de reunións anuais, coa posible convocatoria de axentes privados e doutros expertos que por razón das materias para tratar para o efecto póidanse convocar.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
