Nota de prensa
FERNANDO SUÁREZ PROPORALLE AO PLENO DA CORPORACIÓN FACER UN CHAMAMENTO INSTITUCIONAL PARA RECLAMAR A URXENTE REPARACIÓN DA PONTE DE ARANTE.
Ribadeo, 12 de novembro de 2010. O alcalde, Fernando Suárez, proporálle ao pleno da Corporación facer un chamamento institucional para reclamar a urxente reparación da ponte de Arante.
O rexedor explica que “hai unha proposta que de maneira aberta lles quero plantexar a todos os grupos sobre un chamada institucional do Concello para reclamar a urxente reparación da ponte de Arante, desta historia tan traída e tan levada que desde que as chuvias de xuño a destrozaron aínda a día de hoxe andamos a voltas. Vemos como a Xunta non se aclara nin entre ela mesma, ao mesmo tempo está en continúa liorta coa Deputación e viceversa e o que lles pretendemos pedir ás dúas partes é que por favor deixen as loitas partidarias a un lado e se acorden dos veciños da Ponte, dos Bestilleiros, de Vilamariz, de Covelas, de Balboa, etc, etc… que se acorden dos que teñen que utilizar a ponte de maneira urxente, que se acorden dos nenos que van no autobús actualmente por camiños municipais atravesando auténticos terrapléns, que se acorden tamén dos camións agrícolas, de madeira, dos do leite”.
Suárez Barcia sinala que “se trata de facer un chamamento serio desde o punto de vista institucional máis aló da cuestión partidaria para pedirlles á Deputación e á Xunta que no marco das súas competencias se poñan as pilas e se poñan de acordo para que antes de que remate este ano a obra estea licitada e si pode ser adxudicada. O que lles pedimos é sentidiño e que lle dean unha solución xa a este problema que estamos a sofrir”.
Convenio con ACISA
Na sesión plenaria do vindeiro luns someterase a aprobación o convenio marco de colaboración entre o Concello de Ribadeo e ACISA para a dinamización comercial da vila entre os anos 2011 e 2013. O alcalde di que “tamén suscita interés este diálogo que desde o Concello levamos mantendo nos últimos tempos coa Asociación de Comerciantes e co CCA de Ribadeo. Hai tres anos asinamos un convenio que rematou agora e é intención do goberno municipal voltar a asinar un novo acordo de colaboración de 2011 a 2013. O Concello comprométese a consignar cada ano 12.000 euros para facer actividades conxuntas”.
Fernando Suárez manifesta que “sempre digo que un dos pilares fundamentais, por non dicir o primeiro motor económico é o comercio local e estou moi satisfeito de ter intensificado nos últimos tempos actuacións en conxunto. Aí está a cesión deste local como sede de ACISA, este convenio que agora remata, as actuacións de mellora do casco vello a través da peatonalización, semi peatonalización e amaño de rúas para facer de Ribadeo unha vila máis comercial si cabe. Agora queremos dar un paso máis asinando un novo documento para facer máis actividades e co fin de facer de Ribadeo un lugar atractivo para comprar e para vender”.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
