A Mariña, 28 de marzo de 2025. Durante máis dunha hora o Foro de Análise sobre as comunicacións e o transporte na Mariña, organizado pola FCAM, pulsou a opinión de empresarios, mestres e sanitarios.
Todos coincidiron en sinalar que para facer da Mariña unha comarca máis competitiva é preciso mellorar as infraestruturas. Avogaron pola necesaria posta en marcha da autovía A-74 e por un servizo de transporte público (autobús e tren) que permita moverse de xeito cómodo pola comarca para poder achegarse ao Hospital Público da Mariña, aos centros de ensino ou para facer turismo, por poñer só uns exemplos.
No Foro da FCAM participaron: Marcos Salgueiro, director xerente de Frigomar e presidente de Adexmar; Amador García, propietario de Transportes Paraíso; Beatriz Trigo, dinamizadora da relación con empresa na FP na Mariña; Camilo Vázquez, técnico de emerxencias, enfermeiro e formador; e José Martínez, usuario e membro da plataforma pola defensa do ferrocarril Ferrol-Ribadeo. A cita foi moderada pola xornalista e presidenta da FCAM, Carmen Cruzado.
Marcos Salgueiro dixo que “na Mariña temos moitas cousas boas cunha carencia que necesitamos salvar: se a Mariña quere medrar no ámbito empresarial e ser atractiva para que os estudantes poidan estar aquí e poidan ter un futuro, necesitamos mellorar as infraestruturas. Temos un illamento xeográfico, polo propio enclave onde estamos, pero ten que axudarnos a infraestrutura para que, polo menos, sexa máis levadeiro ese distanciamento con respecto ás cidades”.
José Martínez subliñou que “o imporante sería optimizar os recursos e unha xestión razoable. Planificar, por que aquí o que falta, e falo a nivel estatal incluso, é unha planificación a medio largo prazo, porque téndese a mirar no corto prazo e moitas veces quedan os proxectos en nada como case queda a A-74, despois de máis de vinte anos. É necesaria unha planificación a medio longo prazo, tendo en conta as necesidades de cada territorio, de transporte, de comunicacións e vendo tamén cara onde vamos ir nun futuro, porque a maioría da poboación está nos 60 e pico anos, de momento moitos conducen, pero haberá un momento no que non o fagan e ¿cómo van estar tamén as infraestruturas para os que veñan detrás? E tamén cabe preguntarse ¿queremos vivir só dunha empresa que o día que decida marchar, que esperemos que non, pois nos deixe mirando para o ceo?.
Amador García demandou “recursos, feitos e diñeiro”. Para Beatriz Trigo “é preciso pensar na xente, na futura man de obra e intentar organizar para que todo teña un obxectivo claro e que se consiga que a xente nova non se vaia da Mariña, que se quede. As empresas piden moita man de obra e non hai, a xente marcha, e a algunha faino por isto, polas carencias en transportes e en infraestruturas”.
Camilo Vázquez considera que “unhas boas infraestruturas significarían vida. Por desgraza, as patoloxías agora estannos atacando a persoas moito máis xoves e non é mesmo chegar en 45 minutos a un hospital de segunda categoría ou de terceira, como pode ser Lugo, con todas as especialidades, que tardar unha hora e cuarto ou unha hora e vinte. Nos viaxamos por autovía, por seguridade, aínda que todos os libros din que empregues a ruta máis corta, máis rápida e máis segura, por seguridade escollemos a autovía”. E pensa que “si se melloran as infraestruturas haberá profesionais que poidan vir traballar, co que recuperaremos os servizos que desgraciadamente, se non se mellora, vanse pechar”.
O xerente de Frigomar e o propietario de Transportes Paraíso aludiron aos custes que deben afrontar as empresas para mover as súas mercancías desde a Mariña, porque esta zona queda fora de todas as rutas establecidas. O portavoz da Plataforma pola Defensa do Ferrocarril Ferrol-Ribadeo contou que o servizo mellorou un pouco nas últimas semanas coa presenza de máis interventores, pero aposta pola súa adaptación ás necesidades da poboación da Mariña.
A dinamizadora da relación con empresas na FP na Mariña contou as longas xornadas ás que deben enfrontarse rapaces de Ribadeo que queiran estudar en Burela ou viceversa e que por mor da falla dun transporte público axeitado poden chegar a pasar ata 12 horas fora da casa, se o que fan é empregar os servizos existentes neste momento. E o técnico de emerxencias deu conta das dificultades que lle supón a unha ambulancia medicalizada transitar pola estrada da costa en horas punta a diario e en datas de grande afluencia de vehículos como poden ser a Semana Santa e o verán.
O alcalde de Foz e deputado provincial, Fran Cajoto, asistiu a este evento de A Mariña Federación.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
