Dime do que presumes e direiche do que careces, di o refrán. Que fácil e soltar mentiras. Mais o problema aparece cando revisas a túa mochila e atopas un par de pedras pesadas (quizais escombro desa marabillosa obra, que foi a Avda da Mariña, que parece que non chegaba aos centímetros necesarios de espesor).
A demagoxia co tema da auga é continua. Pero a hemeroteca destroza certas argumentacións que so son expresións sen peso para gañarse uns aplausos baratos (a quen non lle gusta que lle digan que as administracións nos cobran moito?). La Voz de Galicia o 18 de marzo de 2014 publicaba “En base a varios informes, el alcalde Javier Jorge Castiñeira (PP), que gobierna en minoría, defendió la importancia de actualizar los precios que llevan sin revisar desde el 2008, «o que carrexa unhas débedas importantes dos aboados» y un problema para el Concello por no aplicar las fórmulas del contrato.”. Fíxate, daquela tiñan que pagar os veciños…agora como o sr. Castiñeira está na oposición, vese que non. O problema na política e que é algúns menten moi fácil e sen poñerse colorados.
A lei é clara neste aspecto. O prezo do servizo de abastecemento debe ser o do custe de prestar este servizo. En Foz leva moitos anos sen selo. E sexamos sinceros, porque houbo uns políticos que antepuxeron os seus intereses partidistas ás imperiosas necesidades do seu concello. E daqueles barros, estes lodos. Agora as tuberías son de fibrocemento porque levan décadas de falta de investimento nesas infraestruturas. Moitas non se ven, pero son indispensables e so nos damos conta se non funcionan. So temos que lembrar o verán do 2023, que difícil foi. E tamén as continuas roturas que sufrimos na rede.
As cousas custan cartos. E os cartos das administracións non saen dun castiñeiro, sr. Castiñeira. Os cartos de todas as administracións saen dos veciños. Foi así, é así e será así. Non vai inventar vostede nada. Se aínda non se enterou de como funciona, está claro que pasou polo concello pero sen enterarse de nada.
De simpas podémoslle falar a vostede, que é un especialista. Nese ano 2014 aprobou no pleno unha nova fórmula de revisión da tarifa da auga. Pero pola cobardía do plenario, non se aprobou a subida do recibo aos veciños. Co cal o pleno obrigouse a pagarlle á empresa sen ter os ingresos para facelo. Así que, nin corto nin perezoso, o sr. Castiñeira pagou unha pequena cantidade e olvidouse do tema. Para que iba facer frente á súas obrigas? Así que a concesionaria denunciou ao concello. E a administración, foi a un xuízo que estaba perdido porque xa lle deran á razón a empresa previamente, no pleno. Así que, falando mal, fumos pintar a mona ao xulgado, porque o sr. alcalde non pagaba o que aprobaba. E así seguiu. E cando cambiou o goberno, o sr. Castiñeira deixounos: o préstamo de Álvaro Cunqueiro, a millonaria débeda de Gestagua, as facturas de 2018 pagadas con cargo ao 2019 e as partidas orzamentarias gastadas…boa forma de comezar…Pero diralle: tiña moito remanente! Saben vostedes por que? Porque non pagaba. Nin xestionaba. Nin solucionaba.
E agora revisen o seu recibo. Atoparan un concepto chamado: canon. Ese canon vai parar á Xunta de Galicia. Ese canon, que se supón que debe revertir nos veciños de Foz…pois parece que revertirá nos de Ribadeo. Porque a quen lle van pagar un cambio de tuberías, cos cartos de todos é a Ribadeo. Afortunados. Pero Foz non vai parar, vai traballar por ter o seu servizo ao día, arranxando as averías e tamén repoñendo as aceras ou aglomerados abertos e modernizando a súa rede.
Déixese de demagoxias. O diñeiro dos focenses debe investirse en que teñan mellores servizos e que o pobo continúe crecendo. E o demais son comedias de quen parece que so quere enganar.
Inés López Couto (1ª Tenente de alcalde de Foz e voceira do grupo municipal socialista)
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
