Este novo centro suporá un avanze en número de prazas e atención integral no concepto de saúde mental para o sistema galego
Cervo, 4 de Abril, 2025 . A Asociación Saúde Mental “A Mariña” inaugurará o próximo martes, 8 de Abril o cuarto Centro de Rehabilitación psico-social e laboral da entidade, este situado en Cervo, e oitavo Centro especializado da entidade.
O evento, que terá lugar na Carretera de Sargadelos, 10, baixo , a partir das 12:00 horas, reunirá a mais de 200 persoas sensibilizadas co colectivo de saúde mental, onde se vislumbrará tanto a misión como a visión da entidade, sempre aderezada dos seus valores, poñendo en valor a importancia de formar parte da memoria histórica, coa creación de infraestructuras diáfanas e modernas , onde mellorar a calidade de vida de tódolos pacientes e poñendo á persoa no centro de tódalas atencións.
En palabras da súa directora técnica, Mª José Nóvoa, “nesta inauguración, na que estamos a depositar moitas ilusións, queremos agradecer a tódalas entidades implicadas, especialmente ao Concello de Cervo e á Xunta de Galicia, que esta xornada sexa unha realidade, contribuíndo sempre coa súa sensibilidade a visibilizar a este colectivo e as enfermidades mentais, e a loitar contra un estigma aínda presente na nosa sociedade”. Sen o apoio da Consellería de Sanidade, con quen ten concertadas as prazas dos Centros de Rehabilitación Psicosocial e Laboral de Burela, Viveiro e Ribadeo asi como do piso protexido e das dúas Unidades Residenciais, este proxecto non sería posible. A este apoio das entidades públicas súmase o apoio tamén de entidades da sociedade civil, como A Fundación Amancio Ortega, que colaborou co equipamiento do centro de rehabilitación , e o apoio incondicional dos propios traballadores e usuarios da entidade Saude Mental A Mariña; mais de 40 persoas que fixeron este centro unha realidade.
Os asistentes ao acto serán agasallados por parte d@ usuari@s da entidade, entregando un detalle persoal feito por eles mesmos.
Durante todo acto contaremos con un dúo de Violín e e Violonchelo do Conservatorio de Viveiro, para pasar despois a disfrutar dun ágape de confraternidade tod@s xuntos.
A Asociación Saúde Mental “A Mariña”
A entidade, cos seus Centros de Rehabilitación psico-social e laboral, sitos en Burela, Ribadeo e Viveiro, así como co piso protexido, trata de mellorar a calidade de vida das persoas que padecen un trastorno mental crónico , derivadas polo Servizo Galego de Saúde.
A apertura da primeira Unidade Residencial en Cervo no 2011, sendo a cuarta especializada de toda Galicia , e con 25 prazas concertadas co Sergas , así como a vivenda tutelada para mulleres vítimas de violencia de xénero con enfermidade mental, única do País, supuxeron un adianto cuantitativo e cualitativo en canto a dar cobertura integral a moitas persoas diagnosticadas de enfermidade mental crónica que precisan dunha atención residencial integral.
Coa suma da nova residencia, denominada Residencia Resort de Saúde Mental A Mariña , o pasado ano , melloran a calidade de vida dun gran colectivo con grandes proxectos de vida individualizados e consensuados.
A apertura deste novo Centro de Rehabilitación Psico-social e laboral en Cervo, supón un maior mantemento e integración na contorna das persoas con problemas de saúde mental , promovendo a súa integración social e familiar, mellorando o funcionamento psico-social e posibilitando a maior independencia posible.
A súa misión é, pois, prestar unha asistencia continuada ás persoas con enfermidade mental persistente para lograr a súa rehabilitación, así como á das súas familias, na Area Sanitaria da Mariña de Lugo, así como a nivel autonómico; sempre tendo en conta os valores de profesionalidade, transparencia, traballo en equipo, eficacia, afecto, comprensión, implicación e seguridade. E por suposto, indo sempre da man de Saúde Mental Feafes Galicia, Federación á que pertencemos dende a nosa creación.
Dende a Asociación queremos amosar unha vez máis o noso agradecemento a esas persoas, entidades e colectivos que, desinteresadamente, quixeron colaborar coa causa e agradecer a todos os mariñáns que se unirán a ser partícipes dun feito histórico para a nosa entidade, acompañándonos para seguir a traballar todos xuntos por romper co estigma que acompaña ás persoas con enfermidade mental e mellorar a súa calidade de vida.
O CENTRO DE REHABILITACIÓN PSICOSOCIAL E LABORAL DE CERVO
As Enfermidades Mentais
As enfermidades mentais representan unha importante carga para os pacientes que as padecen e para as súas familias. Na súa inmensa maioría, aparecen en idades produtivas da vida, tendo un alto impacto social en termos de taxa de desemprego, absentismo laboral e perda de produtividade no traballo.
A Organización Mundial da Saúde (OMS) estima que unhas 700 millóns de persoas no mundo padecen enfermidades mentais e neurolóxicas. Polo tanto, son enfermidades que padece unha gran parte da poboación; é máis, o 25% dos españois sofre alomenos un trastorno mental ao longo da súa vida.
O tratamento das enfermidades mentais precisa dunha abordaxe global que inclúa atención médica, farmacolóxica, psicoterapéutica e familiar; pode levar unha vida autónoma igual que calquera outra persoa que padece outro tipo de enfermidade crónica
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
