Durante a mañá de hoxe persoal facultativo acompañado de persoal doutras categorías concentráronse na entrada do Hospital da Mariña
Burela, 9 de abril, 2025. O persoal facultativo do Hospital Público da Mariña explica que: “Atopámonos baixo mínimos e queremos denunciar as seguintes situacións que están a vivir os nosos pacientes”:
– “Moitas das nosas consultas atópanse reducidas e incluso pechadas polo que o número de
doentes en lista de agarda non fai máis que medrar xerando un abandono absoluto no seguimento dos mesmos”.
– “Ademais moitos dos seguimentos que se poderían facer de maneira ambulante acaban
ingresando pola falta de citas regradas nas consultas externas”.
– “Tras continuas reclamacións á Dirección deste Hospital, a resposta foi a orde VERBAL de
derivación directa de todos os pacientes da área médica subsidiarios de ingreso ó HULA.
Moitos pacientes néganse taxativamente ao seu traslado por motivos familiares, por imposibilidade de coidados tan lonxe do seu domicilio ou simplemente, por esixir quedar ingresados no seu hospital de referencia no que teñen dereito. Nas últimas gardas asistimos a moitas de estas escenas desagradables das cales non queremos seguir sendo partícipes”.
– “Desgraciadamente isto repercute directamente na saúde dos nosos pacientes”.
– “As derivacións a Centros Públicos e privados para a realización de probas complementarias que perfectamente poderían ser realizadas no noso centro se estivese dotado dos recursos humanos necesarios, Cremos firmemente que non é O PACIENTE o que ten que trasladarse a outro Hospital que non sexa o seu, senón que é a Administración Pública quen ten que garantir que se cumpran os dereitos dos DOENTES”.
– “Pedimos optimizar os nosos cadros do persoal na área sanitaria correspondente, ben
contratando novos profesionais ou ben dispoñendo dos recursos atendendo a xustiza distributiva. Unha área non pode estar sobredimensionada cando os seus distritos teñen carencias de semellante magnitude. Polo tanto cremos necesarios a destinación dos recursos existentes noutras áreas sanitarias mediante reparto equitativo en función dos habitantes de dita área, sen tratos de favor nin soldos diferentes entre os profesionais”.
– “Non se poden satisfacer todas as necesidades da poboación con medio cadro de persoal ou a veces nin iso”.
– “En pleno século XXI non poden existir diferencias tan importantes entre uns DOENTES e
outros simplemente polo lugar onde residan”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
