Nota de prensa
RAQUEL ARIAS ANUNCIA UN INVESTIMENTO DE 4,2 MILLÓNS DE EUROS NA POSTA EN MARCHA DE NOVE PROGRAMAS MIXTOS DE FORMACIÓN E EMPREGO
* A delegada territorial informou da concesión dunha nova escola obradoiro ao Inludes e de obradoiros de emprego a oito concellos da provincia
* Lugo acolle no global do ano 37 programas mixtos de formación e emprego, que superan os 18,7 millóns de euros de investimento e benefician a máis de 800 persoas desempregadas
Lugo, 15 de novembro de 2010.- A delegada territorial da Xunta, Raquel Arias, comunicou hoxe a aprobación por parte da Consellería de Traballo de oito obradoiros de emprego e unha escola obradoiro a desenvolver na provincia de Lugo a partir do vindeiro mes de decembro, que suman un investimento de 4.224.824 euros.
Os oito obradoiros que se empezarán a realizar a finais do presente ano correspóndense cos oito que, por estrito orden, obtiveron mellor puntuación no proceso de concorrencia competitiva que se desenvolve a partir da orde que establece o funcionamento deste tipo de programas formativos.
Arias destacou que estes programas mixtos de formación e emprego “beneficiarán a 196 traballadores desempregados, que adquirirán novas habilidades profesionais á vez que desenvolven un traballo remunerado”.
Os proxectos subvencionados son os promovidos polo Instituto Lucense de Desenvolvemento Económico e Social (Inludes) e os concellos de Carballedo, Palas de Rei, Folgoso do Courel, O Corgo, Abadín, Friol, Antas de Ulla, O Valadouro-Alfoz, estes últimos unidos na Mancomunidade de Municipios Río Ouro.
Arias indicou que estas iniciativas “poñeranse en marcha en decembro deste mesmo ano, e veñen a sumarse aos catro que se iniciaron no mes de xullo, nos concellos de Ourol, Cervo, Láncara, O Saviñao”.
En total, incluíndo os proxectos rematados a mediados de ano, e os que finalizan e comezan en decembro, a Consellería de Traballo e Benestar terá subvencionado no 2010 na provincia de Lugo 37 programas mixtos de formación e emprego.
O investimento global destas iniciativas supera os 18,7 millóns de euros, beneficiando a 788 alumnos traballadores e dando tamén emprego a outras máis de 40 persoas, entre monitores e persoal de dirección e administrativo.
Os participantes neste tipo de proxectos “reorientan a súa traxectoria laboral cara aos novos viveiros de emprego”, como a asistencia sociosanitaria –impulsada pola Lei de Dependencia- ou as enerxías renovables, pero tamén “cara a oficios tradicionais que rexistran unha ampla demanda no mercado de traballo”, explicou Arias.
Ademais de favorecer a inserción laboral dos participantes, os obradoiros de emprego centran a súa actividade na execución de obras e servizos de interese xeral e social, “que polo xeral redundan na melloría de infraestruturas e dotacións en beneficio dos veciños e veciñas do municipio de referencia”, afirmou a delegada.
O proxecto de escola obradoiro aprobado nesta ocasión é o de Servizos á comunidade II, o que supón dar continuidade a esta iniciativa promovida polo Inludes. Nestes momentos está en marcha a primeira edición, que rematará no mes de decembro, coincidindo co comezo desta nova etapa. Acollerá a 26 alumnos e alumnas menores de 25 anos e representa un investimento da Consellería de Traballo de 546.042 euros.
A escola obradoiro ten unha duración de 18 meses, superior, por tanto, aos 12 meses que duran os obradoiros de emprego. Imparte a especialidade de atención sociosanitaria a persoas no domicilio, e os participantes realizarán o traballo práctico no centro residencial de San Roque e na residencia San Vicente de Paúl para persoas con discapacidade intelectual.
Obras e especialidades profesionais
Os concellos, pola súa banda, organizarán obradoiros de emprego, dirixidos a persoas desempregadas de 25 anos ou máis e que, a diferenza das escolas obradoiro, combinan dende o primeiro día a formación teórica e a práctica profesional –no caso das escolas obradoiro hai unha primeira fase puramente formativa-.
A rehabilitación de antigas escolas e outros inmobles para uso comunitario, a adecuación de espazos urbanos ou naturais, e a construción e colocación de mobiliario urbano son os proxectos que máis abundan entre as propostas a acometer polos traballadores e traballadoras dos obradoiros.
Os obradoiros de Palas de Rei e Friol introducen formación en asistencia sociosanitaria a domicilio; o primeiro oferta ademais as especialidades de operacións en formigón e instalación de enerxías renovables, e o segundo inclúe albanelaría e carpintería metálica.
O concello do Corgo tamén oferta a especialidade de operacións en formigón, ao igual que os obradoiros da Mancomunidade de municipios Río Ouro –xunto coas de instalación de elementos de carpintaría e xardinaría-, e de Carballedo –igualmente xunto á de instalación de elementos de carpintaría-.
A albanelaría está presente nos outros tres obradoiros restantes. E materia única no de Folgoso do Courel, e combínase coa especialidade de pavimentador azulexador en Abadín e coa de xardinaría en Antas de Ulla.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
