O 100% das persoas participantes valoraron positivamente a experiencia e solicitaron máis actividades de surf durante o ano
Burela, 19 de abril de 2025. O Club de Surf de Burela, en colaboración co proxecto Ondas Limpas, promovido polo Concello de Burela e financiado polo GALP, organizou unha actividade de iniciación ao surf na praia da Marosa este xoves e venres. Esta acción forma parte dunha serie de iniciativas encamiñadas a achegar a práctica deportiva do surf á poboación local, especialmente á mocidade.
O evento desenvolveuse nunha xornada de práctica dirixida a persoas sen experiencia previa, co obxectivo de facilitar o primeiro contacto co deporte e co medio mariño. Participaron un total de 55 persoas, das cales a maioría foron nenos, nenas e adolescentes, aínda que tamén tomaron parte pais e nais interesados en compartir a actividade cos seus fillos e fillas.
Ao finalizar a actividade, recolleuse información a través dun cuestionario no que 100% das persoas enquisadas indicaron que a experiencia foi satisfactoria e expresaron interese en participar noutras actividades similares no futuro. Entre as propostas recollidas destacaron a realización regular de clases de surf durante todo o ano, así como a organización de campamentos específicos para os meses de verán.
As persoas adultas participantes manifestaron tamén que contar con clases de surf en Burela durante o verán sería unha opción máis accesible para as familias, xa que actualmente algunhas teñen que desprazarse a outras praias da contorna, como Esteiro, para acceder a este tipo de servizos.
Durante o transcurso da actividade, varias persoas que paseaban pola praia da Marosa achegáronse ao grupo para solicitar información sobre o funcionamento do club, as opcións de inscrición, e se se ofrece a posibilidade de préstamo ou alugueiro de material.
O Club de Surf de Burela está a analizar todas estas achegas co obxectivo de avaliar a demanda existente e planificar novas accións de promoción do surf na vila.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
