Lourenzá, 25 de abril de 2025. Organizado polo Concello de Lourenzá e distintas asociacións do concello, coa colaboración da Deputación Provincial, o próximo xoves, día 1 de maio, celebrarase o tradicional desfile do Maio e unha nova edición da Festa Campesiña.
A xornada comezará coa elaboración dos maios e a decoración do carro onde irá a Magdalena no recinto feiral durante a mañá. Ás 12 do mediodía abrirán no Campo dos Bolos os postos de artesanía e alimentación. A continuación haberá unha sesión vermú a cargo de Dj Billy, dando paso a un xantar popular. Para as 16:30 horas está prevista a saída do Maio, que desde o recinto feiral percorrerá as distintas rúas da vila para rematar no Campo dos Bolos. Acompañará ao Maio a música de AC Osorio Gutiérrez e Ledicia SCR. Ás 19:00 horas o grupo de teatro Trípode representará a obra A presa. Ao remate entregaranse os premios ás mellores decoracións de balcóns e escaparates, aos mellores sombreiros e ás mellores caracterizacións. Durante toda a xornada haberá diferentes actividades organizadas polas distintas asociacións colaboradoras. Rematará a celebración cunha festa verbena amenizada por Belinda e Dj Billy.
O Concello de Lourenzá agradece “a implicación da maioría das asociacións do concello e de todos os veciños e veciñas que ano tras ano fan que non se perda esta tradición tan nosa do Maio e a Magdalena”.
Tamén fai un chamamento para que “a xente que asista a esta celebración o faga caracterizada de campesiños e campesiñas e pasar un día de xuntanza e festa”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
