A formación nacionalista volverá levar a pleno estas deficiencias
A Pastoriza, 28 de abril de 2025. O Bloque Nacionalista Galego da Pastoriza vén de rexistrar unha nova queixa pola grave situación que atravesa a piscina municipal, un servizo público esencial que sofre o abandono continuado por parte do goberno local do Partido Popular. As deficiencias son múltiples e afectan de forma directa ao benestar e á seguridade das persoas usuarias.
Unha das queixas máis recorrentes é a baixa temperatura da auga e do recinto, que dificulta e incluso impide o uso normal da instalación, especialmente no caso das persoas maiores ou con necesidades especiais. Tamén os vestiarios carecen dunha temperatura adecuada.
Ademais, “constatamos que a maior parte das máquinas do ximnasio están fóra de servizo, a pesar de que, tras unha anterior denuncia do BNG, o alcalde prometera renovar parte da maquinaria. Esa renovación segue sen chegar, e o desdeixo das instalacións continúa avanzando”.
“Outro feito grave é a ausencia da folla de limpeza asinada polo persoal, documento que debería estar visible por cuestións de transparencia e control da hixiene. A pesar de que os pregos de contratación da nova concesión, asignada á empresa Clece, recollían unhas condicións mínimas de presenza de persoal que non se están a cumprir”.
“A maiores, queremos denunciar unha nova medida imposta, que obriga ás persoas usuarias a deixar o calzado no pasillo de entrada. Non parece moi correcta nin dentro da legalidade esta nova medida. Para tal esixencia debería haber taquillas para gardar o calzado”.
“Resulta antiestético e pouco decoroso atoparse cos zapatos nun vestíbulo polo que temos que pasar todos; isto é como se fósemos a un supermercado ou a outro establecemento público e tivésemos que cambiar os zapatos á entrada”.
“E o que é aínda máis grave é que as plaquetas do vestíbulo non son antideslizantes, polo que ao saír coas chanclas molladas poden ser pouco seguras e supoñer un risco de esvaróns”.
O BNG considera esta situación totalmente inadmisíbel e esixe explicacións urxentes ao alcalde, así como medidas inmediatas para garantir unhas instalacións dignas, seguras e axeitadas para o uso público. Os servizos públicos non poden seguir sendo vítimas da propaganda e da desidia do Partido Popular.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
