Os deputados populares celebran o “cambio de opinión” de PSOE e BNG despois de que no pleno de novembro votaran en contra dunha iniciativa do Grupo Popular con puntos que tamén partían de reunións co comité de empresa”
Lugo, 30 de abril de 2025. Os deputados do Grupo Provincial Popular apoiaron este martes no Pleno da Deputación de Lugo a iniciativa sobre Alcoa que se trata “dunha proposta dos representantes dos traballadores” porque “se fora unha proposta do PSOE non diría moitas das cousas que di” e lamentaron que os socialistas se negaran a aceptar unha emenda de engádega “con propostas que tamén pide o comité de empresa” a través dos medios e que tamén trasladaron “no Pleno de Xove”.
O viceportavoz, Demetrio Salgueiro, explicou que “a situación de Alcoa hoxe non é a mesma que a de onte” debido ao “parón eléctrico sen precedentes no país” que afectou duramente tamén a Alcoa. “A situación da planta é límite. A de alúmina parece que se pode salvar, pero a de aluminio está nunha situación crítica”, segundo expuxo.
O popular explicou que “a planta é moi dependente da enerxía” polo que defende “un mix enerxético que garanta estabilidade ao sistema” xa que a dependencia só das renovables como promove este Goberno supón unha inestabilidade enerxética”. E advirte que “se chega a pasar con toda a planta arrancada, probablemente suporía o peche definitivo da fábrica de aluminio por imposibilidade de recuperación”.
Salgueiro subliñou, polo tanto, que “é máis urxente ca nunca que se acepte a nosa emenda. Non pedimos un trato diferente, senón apoios para garantir a estabilidade da planta e que poida seguir producindo”. Pero o PSOE rexeitou engadir que: “a Deputación de Lugo se comprometa a esixir ás administracións con representación na mesa de seguimento do pacto de viabilidade de Alcoa que velen pola continuidade da operación da planta e o mantemento do emprego” e que “o goberno da Deputación de Lugo traslade ao Goberno de España a necesidade de articular unha liña de axudas públicas e apoios extraordinarios que garantan o investimento para a modernización da planta no mesmo sentido que as que recibiron outras empresas tamén declaradas estratéxicas polo Estado”.
O deputado do PP lembrou que “hai empresas como Arcelor que recibiron 450 M€ do Estado e hoxe en día está nun ERE” polo que se pregunta “por que non pode Alcoa recibir un Perte, que son fondos europeos, como recibiron outras empresas deste país”. Así, non entende que “non sexa beneficiada agora” despois de “facer un esforzo por saír da consideración de empresa en crise que lle impedía acceder a fondos”.
CAMBIO DE OPINIÓN DE PSOE E BNG
Salgueiro celebrou “o cambio de opinión” de PSOE e BNG e agarda “que se manteña no tempo”. De feito, lembrou que “o que dixo a representante socialista” estaba recollido nunha moción que o Partido Popular defendeu no mes de novembro e daquela “tanto PSOE como BNG votaron en contra”; a pesar de que “practicamente tódolos puntos de acordo que propoñiamos tamén partían de reunións co comité de empresa”.
Entre outros obxectivos, a proposta do Grupo Provincial Popular pretendía “conseguir un consenso de apoio aos traballadores e ás súas familias e a convocatoria da mesa de seguimento do pacto que daquela xa levaba 4 meses de atraso e que hoxe xa leva uns meses máis. Seguen incumprindo e é unha falta de respecto aos traballadores”, engadiu.
INTERVENCIÓN DA SEPI
Sobre a intervención da SEPI, Salgueiro explicou que “o PP defendeu unha intervención puntual en caso de ser necesaria; pero non estamos nese momento agora mesmo porque hai un operador operando a fábrica. O que hai que tratar é de que saia adiante”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
