Participan oito colectivos dos concellos de Mondoñedo, Castro de Rei, Guitiriz, Alfoz, Lugo, Riotorto e Barreiros que iniciarán as rutas desde o Mazo de Santa Comba, o Pazo de San Marcos, a produtora de audiovisuais e a Granxa Gayoso Castro
Lugo, 13 de maio de 2025. Uns 184 veciños e veciñas viaxarán esta semana co Coñece a túa provincia da Deputación de Lugo. Os participantes pertencen a oito colectivos dos concellos de Mondoñedo, Castro de Rei, Guitiriz, Alfoz, Lugo, Riotorto e Barreiros, e uns percorrerán a comarca mariñá, mentres que os outros descubrirán os atractivos naturais e culturais da Terra Chá ou Lugo.
O Deputado de Promoción Económica e Social, Pablo Rivera Capón, deu a benvida este martes no Salón de Actos do Pazo de San Marcos á Asociación Cultural e Deportiva Billarda Río Miño, de Castro de Rei, que iniciou o seu percorrido coñecendo a historia e o funcionamento da Deputación de Lugo para despois achegarse ata Quiroga. Neste municipio, os viaxeiros desfrutaron dunha visita a unha empresa produtora de viño e aceite e dun obradoiro de artesanía.
Nesta mesma xornada, o Deputado de Medio Ambiente, Carlos López López recibiu aos integrantes da Asociación Cultural O Pasatempo, de Mondoñedo, que iniciaron o percorrido no Mazo de Santa Comba e continuaron ata a Montaña lucense para coñecer a aldea de Piornedo, visitar Navia de Suarna e unha fábrica de embutidos.
Mañá mércores será a quenda dos integrantes da APA do Colexio Público de Lagostelle, de Guitiriz, que partirán da produtora de audiovisuais para logo descubrir algúns dos encantos da Mariña Lucense como o Museo do Mel do Valadouro, o Castelo de Castrodouro, ou a Finca Galea en Alfoz. A Asociación de Veciños San Mamede de Oiras, de Alfoz, tamén participará este mércores no Coñece a túa provincia. Os integrantes deste colectivo partirán do Pazo de San Marcos para logo visitar unha igrexa románica e percorrer o Canón do Sil en catamarán.
O xoves viaxará ata Quiroga a Asociación de Mulleres Rurais Alfinete, de Lugo, e achegaranse ata á Mariña Lucense a Asociación de Veciños San Xosé de Vilaseca, de Riotorto. Os primeiros comezarán no Pazo de San Marcos para despois visitar o Museo Xeolóxico de Quiroga; mentres que os segundos partirán da Granxa Gayoso Castro e continuarán ata a zona de Ourol onde realizarán un percorrido polo cemiterio de Xerdiz e coñecerán a área recreativa da Veiga, en Muras, entre outros lugares.
As visitas desta semana rematarán o venres con dúas entidades. Por unha banda, os integrantes da Asociación de Veciños San Pastor, de Barreiros, coñecerán o Pazo de San Marcos, a abadía de San Clodio ou o Xeomiradoiro de Campodola. Paralelamente, a Asociación Provincial Lucense de Apicultura, de Lugo, iniciará o percorrido no Mazo de Santa Comba e posteriormente visitarán o museo do mel e unha adega en Negueira de Muñiz.
Neste programa tamén se inclúe de balde o transporte para os traslados de ida e volta dende o lugar de orixe, a póliza de seguros de viaxeiros, o menú de xantar e as entradas aos diferentes lugares da visita. Ademais, estas visitas realízanas profesionais que contan coa habilitación de guía oficial de turismo de Galicia, así como persoal de atención ao público nos diferentes museos, empresas ou obradoiros incluídos nos itinerarios do programa.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
